ەلوردادا «نۇرلى جول» تەمىرجول ۆوكزالىندا جانە نۇرسۇلتان نازارباەۆ اتىنداعى حالىقارالىق اۋەجايدا كوروناۆيرۋسقا قارسى ۆاكتسينالاۋ ايماعى اشىلدى, دەپ حابارلايدى Egemen.kz.
وسى پۋنكتەردە ەكپەنىڭ ءبىرىنشى جانە ەكىنشى كومپونەنتىن الۋعا بولادى, دەپ حابارلادى ەلوردا اكىمدىگىنىڭ رەسمي سايتى.
بۇگىنگى تاڭدا ەلوردادا ۆاكتسينانىڭ 3 ءتۇرى بار: رەسەيلىك «سپۋتنيك V», وتاندىق QazVac جانە قىتايلىق Sinopharm VeroCell.
«جالپى, قالادا ءبىرىنشى كومپونەنتپەن كونتينگەنتتىڭ 66%-دان استامى قامتىلعان. وسى جۇمىستى جاقسارتۋ جانە حالىقتى كوبىرەك قامتۋ ماقساتىندا ءبىز ۆاكتسينالاۋ پۋنكتەرىن تاعى ەكى ۇيىمدا – ازاماتتار كوپ جينالاتىن جەرلەردە اشامىز», دەپ اتاپ ءوتتى باسقارما.
نۇرلى جول تەمىرجول ۆوكزالىنداعى ۆاكتسينالاۋ ايماعى 4-قاباتتا, اۋەجايدا 1-قاباتتا حالىقارالىق جانە ىشكى تەرمينال اراسىنداعى وتكەلدە ورنالاسقان. كۇن سايىن ساعات 10:00-دەن 20:00-گە دەيىن جۇمىس ىستەيدى.
«كوروناۆيرۋس ينفەكتسياسىنا قارسى ۆاكتسينالاۋ پروتسەسى حالىققا قولايلى بولۋ ءۇشىن بارلىق شارا قابىلداندى. ازاماتتار ەكپەنىڭ كومەگىمەن عانا پاندەميانى جەڭە الاتىنىن ەستە ساقتاسا ەكەن دەيمىز. ءبىز ينفەكتسيانى جەڭۋگە جاقىنداپ قالدىق دەۋگە بولادى, بىراق ۆيرۋس ءالى دە بار. بارلىعى ءوزىمىزدىڭ قولىمىزدا – كوروناۆيرۋس اۋرۋىن تاراتپاۋ ازاماتتىق مىندەتىمىز», دەپ اتاپ ءوتتى ۆەدومستۆو.