قر اقپارات جانە قوعامدىق دامۋ ءمينيسترى ايدا بالاەۆا «Astana Media Week – 2021» اياسىندا وتكەن «وتكىر الەۋمەتتىك تاقىرىپتاردى ءتۇسىندىرۋ ەرەكشەلىكتەرى» تاقىرىبىنداعى دوڭگەلەك ۇستەلگە قاتىستى, دەپ جازادى Egemen.kz.
ء«بىز الەۋمەتتىك قاقتىعىستىڭ تەز ارادا ەتنوسارالىق نەمەسە ساياسي ۇشقىنعا اينالىپ, ادامداردى قارسىلاس لاگەرلەرگە بولگەنىنە بىرنەشە رەت كۋا بولدىق. وسىنىڭ نەگىزىندە قوعامدا نەگاتيۆ پىكىر تۋدىراتىن تەكسەرىلمەگەن اقپارات تارادى. وكىنىشكە قاراي, كەي باق الەۋمەتتىك تاقىرىپتاردى وتكىر قىلىپ كورسەتۋ ءۇشىن وقيعانى باسقا قىرىنان جازىپ, تاراتىپ جاتادى», دەدى مينيستر.
سونىمەن قاتار مينيستر كەيبىر باق الەۋمەتتىك تاقىرىپتاردى وتكىر قىلا ءتۇسۋ ءۇشىن وقيعانى باسقا قىرىنان جازىپ, قوعامدى جاڭىلدىرادى.
«مىسالى, الماتىنىڭ «التىن وردا» بازارىنداعى ەكى جىگىتتىڭ توبەلەسىن ەسكە الايىق. كەيبىر ارىپتەستەرىمىزدىڭ جازۋىمەن, وقيعا ۇلتارالىق ارازدىققا ۇلاسىپ كەتە جازدادى. سونداي-اق, جۋىردا اقبۇلاق اۋدانىندا بولعان اتىستى الايىق. كەي جۋرناليستەر وقيعانىڭ ءمان-جايىن زەرتتەۋدەن بۇرىن, وق اتقان ادامنىڭ ۇلتىن كورسەتۋدى ءجون سانادى», دەدى بالاەۆا.
بالاەۆا اقپاراتپەن بىرگە وقيعا ورنىنان فوتو-ۆيدەو تاراتقان كەزدە دە اسىراسىلتەۋگە جول بەرەتىن باق-تاردى سىنعا الدى.
«اقپاراتتىق سالادا جابىرلەنۋشى مەن كۇش قولدانۋشىنىڭ جەكە دەرەگىن ءبىرىنشى بولىپ كىم بەرەتىنى تۋرالى باسەكە بار سياقتى. ولار, سونداي-اق, وقيعا ورنىنان «قاندى» فوتو جانە بەينە ماتەريالداردى تاراتادى. وسىعان سۇيەنە وتىرىپ, جۋرناليستەر, ەركىن قالامگەرلەر, ياعني ءارتۇرلى بلوگەرلەر كەز كەلگەن رەزونانس تۋدىرعان جاعدايدىڭ ودان ءارى ورشۋىنە مەديا نارىقتىڭ اسەرى ۇلكەن ەكەنىن ءتۇسىنۋى كەرەك. ەشقانداي جوعارى رەيتينگ الەۋمەتتىك تاقىرىپتاردى پروۆوكاتسياعا اينالدىرۋعا لايىق ەمەس», دەدى مينيستر.