قازاقستاندا وتاندىق ۆاكتسينانى وندىرۋگە ەكى وندىرىستىك الاڭ دايىندالدى. بۇل تۋرالى پرەمەر-ءمينيستردىڭ ورىنباسارى ەرالى توعجانوۆ ايتتى, دەپ حابارلايدى Egemen.kz.
«وتكەن ايدا QazVac 650 مىڭ دوزا كولەمىندە, ال وسى ايدا 750 مىڭ دوزانى جەتكىزۋ جوسپارلانعان. ەكى ءوندىرىس الاڭى دايارلاندى. جامبىل وبلىسىندا بيوفارماتسەۆتيكالىق زاۋىتىنىڭ تولىق دايىندىعى قامتاماسىز ەتىلدى, «انتيگەن» كاسىپورنى بازاسىندا QazVac ۆاكتسينالارىنىڭ تولىق تسيكلىمەن بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ ەكىنشى وندىرىستىك الاڭى ىسكە قوسىلدى», دەدى ەرالى توعجانوۆ ۇكىمەتتەگى ونلاين ءباسپاسوز ءماسليحاتىندا.