قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ Astana Media Week-تە قازاقستاندا تىركەلگەن بۇقارالىق اقپارات قۇرالدارىنىڭ ستاتيستيكاسى تۋرالى ايتتى, دەپ جازادى Egemen.kz.
«1 قىركۇيەكتەگى جاعداي بويىنشا قازاقستاندا 4919 باق تىركەلگەن. ءبىر جىل بۇرىن ونىڭ سانى 4550 بولعان ەدى. ياعني, ءبىر جىلدا 369 جاڭا باق تىركەلگەن. بۇقارالىق اقپارات قۇرالدارى سانىنىڭ وسۋىنە قاراعاندا, ەلىمىزدە باق-تىڭ دامۋ ستراتەگياسى دۇرىس قولدانىلىپ جاتىر دەپ ايتۋعا بولادى», دەدى كەمەلبەك ويشىباەۆ.
ۆيتسە-مينيستر مەملەكەتتىك باق-تىڭ دامۋى تۋرالى دا ايتتى.
«مەملەكەتتىك باق جۇمىسى ينتەرنەتتە - الەۋمەتتىك جەلىلەردە, ۆيدەوحوستينگتەر مەن مەسسەندجەرلەردە بەلسەندى تۇردە ءوسىپ كەلە جاتقانىن اتاپ وتكىم كەلەدى. «قازاقستان» جانە «حابار» مەملەكەتتىك ارنالارى جوباسىن ينتەرنەت اۋديتورياسىنا بەيىمدەۋ بويىنشا بەلسەندى جۇمىس جۇرگىزىپ جاتىر. بىرەگەي ۆەب-مازمۇندى, پودكاستتار مەن سۇحباتتاردى شىعارادى», دەپ اتاپ ءوتتى سپيكەر.