الماتى وبلىسى سارقان اۋداندىق تۇرعىن ءۇي كوممۋنالدىق شارۋاشىلىق ءبولىمىنىڭ باسشىسى ءسابيت عابيت ۇلى مەملەكەتتىڭ 32 ملن تەڭگە اقشاسىن جىمقىردى دەگەن كۇدىكپەن قاماۋعا الىندى, دەپ حابارلايدى Egemen.kz.
سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ رەسمي مالىمەتىنشە, سارقان اۋداندىق تۇرعىن ءۇي كوممۋنالدىق شارۋاشىلىق ءبولىمىنىڭ باسشىسى ءسابيت عابيت ۇلى اسا ءىرى كولەمدە مەملەكەت قارجىسىن جىمقىردى دەگەن كۇدىكپەن ۇستالعان.
«اتالعان ءبولىمنىڭ باسشىسى مەملەكەتتىك «جۇمىسپەن قامتۋ جول كارتاسى 2020-2021» اياسىندا بولىنگەن قارجىنىنىڭ 32,9 ملن تەڭگەسىن جىمقىردى دەگەن كۇدىكپەن ۇستالدى. ياعني, اتالعان قوماقتى قاراجات سارقان اۋدانىنىڭ باقالى, المالى جانە كوكوزەك اۋىلدارىنداعى سپورتتىق الاڭدارىنا بولىنگەن. قازىر اتالعان ءبولىم باسشىسى ۋاقىتشا ۇستاۋ يزولياتورىنا قامالدى», دەلىنگەن ۆەدومستۆونىڭ حابارلاماسىندا.