زيمبابۆەنىڭ نيانگا قالاسىندا ترياتلوننان وتكەن افريكا كۋبوگىندا قازاقستان ۇلتتىق قۇراماسىنىڭ مۇشەسى ايان بەيسەنباەۆ مارە سىزىعىن ءبىرىنشى بولىپ كەستى. بۇل تۋرالى Egemen.kz قازاقستان ترياتلون فەدەراتسياسىنىڭ ءباسپاسوز قىزمەتىنە سىلتەمە جاساپ حابارلايدى.
ول سپرينت قاشىقتىعىن 1:01:18 ۋاقىتتا باعىندىرىپ, Elite ساناتىندا التىن جۇلدەگە يە بولدى. ەكىنشى جانە ءۇشىنشى ورىنداردى ماروككونىڭ سپورتشىلارى الدى: دجاۆاد ابدەلمۋلا (1:01:44) مەن بادر سيۆانە (1:04:18).
ايەلدەر ساناتىندا ءبىرىنشى جانە ەكىنشى ورىنداردى وار سپورتشىلارى يەلەندى: حاننا نيۋمان (1:13:11) مەن بريدجەت تەۋنيسسەن (1:16:08). ۇشتىكتى جەرگىلىكتى سپورتشى گرير ۋينن (1:21:59) تۇيىقتادى.