الماتىدا ءوتىپ جاتقان كىتاپ فەستيۆالىندە 5 مىڭ كىتاپ تەگىن تاراتىلدى, دەپ حابارلايدى Egemen.kz.
قالا اكىمى باقىتجان ساعىنتاەۆ Instagram جەلىسىندەگى پاراقشاسىندا كىتاپ فەستيۆالىنە قاتىسقانىن حابارلادى.
«جىل سايىن وتەتىن VII Kitap Fest كىتاپ فەستيۆالىنە قاتىستىم. كىتاپ قۇمارلاردىڭ اراسىندا جاستاردىڭ كوپتىگى قۋانتادى», دەپ جازدى الماتى اكىمى.
فەستيۆال اياسىندا كىتاپ دۇكەندەرى مەن باسپالاردىڭ ۇلكەن جارمەڭكەسى, «جازۋشىلار شاتىرىندا» قازاقستاندىق اۆتورلاردىڭ كىتاپتارىنىڭ تۇساۋكەسەرى, پىكىر مەن كىتاپ الماسۋ, مۇراعاتتىق فوتوسۋرەتتەر كورمەسى ۇيىمداستىرىلدى.
فەستيۆال قوناقتارى مەن كىتاپ سۇيەر قاۋىمعا 5 مىڭ كىتاپ تەگىن تاراتىلدى.