الماتىدا جول ايرىعىنىڭ سالىنۋىنا بايلانىستى ءىرى داڭعىل جابىلادى. بۇل تۋرالى قالالىق موبيلدىلىك باسقارماسى حابارلادى, دەپ جازادى Egemen.kz.
«رىسقۇلوۆ داڭعىلى مەن ەمتسوۆ كوشەسىنىڭ قيىلىسىندا كولىك ايرىعىن سالۋ» نىسانى بويىنشا قۇرىلىس-مونتاج جۇمىستارىن جۇرگىزۋگە بايلانىستى رىسقۇلوۆ داڭعىلى بويىنشا اۆتوكولىك قوزعالىسىنىڭ سحەماسىنا كەلەسى وزگەرىستەر ەنگىزىلەتىن بولادى:
2021 جىلعى 26 قىركۇيەك پەن 4 قازان ارالىعىندا ساعات 23-تەن 5-كە دەيىن رىسقۇلوۆ داڭعىلى بويىمەن باتىس باعىتتا قوزعالىس توقتاتىلادى; رايىمبەك داڭعىلىنىڭ باتىس جانە شىعىس باعىتتارى بويىنشا رىسقۇلوۆ داڭعىلىنىڭ وڭتۇستىك بولىگى ارقىلى ءوتۋ قامتاماسىز ەتىلەدى; ىرگەلەس كوشەلەر بويىنشا قوزعالىس بۇرىنعى رەجيمدە جۇزەگە اسىرىلادى.