الماتى قالاسىندا 23-28 قىركۇيەك ارالىعىندا Chaplin Mega Park كينوتەاترىندا QaraFest فيلمدەرى كورسەتىلەدى. باعدارلامادا چيلي, تۇركيا, شۆەتسيا, گەرمانيا, نورۆەگيا, فينليانديا, گرۋزيا, بەلگيا, اقش جانە رۋمىنيادان ون تۋىندى بار. بارلىق فيلم تۇپنۇسقا تىلىندە, قازاق جانە ورىس سۋبتيترلەرىمەن كورسەتىلەدى. ال ونلاين-فەستيۆال 30 قىركۇيەك پەن 9 قازان كۇندەرى وتكىزىلمەك. ايتا كەتەيىك, كورسەتىلىمدەر «سوروس-قازاقستان» قورىنىڭ جانە نيدەرلاندتىق movies That Matter كينوفەستيۆالىنىڭ گرانتتار باعدارلاماسىنىڭ قولداۋىمەن ۇيىمداستىرىلىپ وتىر.
الەمدىك كينو يندۋسترياسىنداعى جاڭا اعىمدار مەن ءتۇرلى تاقىرىپتاردى باقىلاپ, باعامداۋعا مۇمكىندىك بەرەتىن Qara Fest تاۋەلسىز دەرەكتى كينوفەستيۆالى بيىل ەكىنشى مارتە وتكىزىلمەك. حالىقارالىق بايقاۋدا كورسەتىلەتىن قاتىسۋشى فيلمدەردىڭ العاشقىسى – «مەن مىنگەن پويىز» دەرەكتى ءفيلمى. بۇل تۋىندى – «نيك كەيۆ جانە وسال تۇقىمدار» ءفيلمىنىڭ رەجيسسەرى ارنو بيتشي مەن ۋوررەن ەلليستىڭ جوباسى. دەرەكتى ءفيلمنىڭ پرەمەراسى Rakkauta ja Anarkiaa كينوفەستيۆالىندە وتكەن بولاتىن. رەجيسسەر ارنو بيتشي قاتال جاعدايدا ساياحاتتاي ءجۇرىپ, ءفيلمنىڭ باستى كەيىپكەرلەرىنىڭ جان-دۇنيەسىنە ۇڭىلەدى.
اتالعان جوبا 2020 جىلعى كارانتين ۋاقتىندا باستاۋ الىپ, بىلتىر 2200-دەن استام كورەرمەنگە قازاقستاننىڭ 8 ۇزدىك دەرەكتى تۋىندىسىن ۇسىنعان ەدى.
فيلم باعدارلاماسى – كورەرمەنگە بەيتانىس, شىنايى ءومىردى بەينەلەيتىن وزگە تاعدىردى, وزگەشە كەيىپكەرلەردى قامتيدى.
بيىلعى كارتينالار ونلاين جانە الماتى قالاسىنداعى كينوتەاترلارىندا كورسەتىلەدى.