دەندەگەن دەرتتىڭ بەتى قايتار ەمەس

«جامان تۇماۋدىڭ» جان تۇر­شىك­تىرەر, جانىڭدى مۇزداي قاري­تىن جامانات حابارى جالپاق الەمنىڭ جۇرەگىن ءالى دە سىزداتىپ تۇر. ادامداردىڭ ساقتىق شارالارىن ساقتاي بەرمەۋىنە, دەر كەزىندە ەكپە ەكتىرمەۋىنە بايلانىستى وڭىردەگى جاعداي ۋشىققان كۇيىندە تۇر. «قىزىل ايماقتىڭ» ساناتىنان شىعا الماي وتىرعان جاي بار.

– ەل شەتىنە ىندەت كەلگەلى تەك وبلىس ورتالىعىندا 12 463 ادامنان كوروناۆيرۋس زەرتحانالىق جولمەن انىقتالدى. قىركۇيەك ايىندا 856 وقيعا تىركەلىپ, 79 بالانىڭ دەرتكە شالدىققانى بەلگىلى بولعان. سوڭعى تاۋلىكتە 67 جاعداي زەرتحانالىق جولمەن انىقتالسا, 3 ادام ىندەتتىڭ قۇربانى بولدى. ىندەتپەن الىسىپ جاتقان قالالىق اۋرۋحانالاردا ازىرلەنگەن توسەكتىك ورىن­داردىڭ جۇكتەمەسى 49 پا­يىزدى قۇراپ وتىر. ستاتسيونارلاردا 199 ادام ەم قابىلداۋدا, ولاردىڭ 25-ءى  – رەا­نيماتسيا بولىمدەرىندە. اۋىرىپ جاتقانداردىڭ 99 پا­يىزى – ەكپە ەگىلمەگەن تۇرعىندار. مىنە, وسى دەرەكتەن-اق ىندەتتەن امان قالۋدىڭ جالعىز جولى ەكپە الۋ ەكەندىگىن ايقىن اڭعا­رۋ­عا بولادى, – دەيدى قالانىڭ باس­ سانيتارلىق دارىگەرى قانات­ ­ىسقاقوۆ. – جاڭا وقۋ جى­لى­ باستالعالى قالاداعى ورتا مەكتەپتەردە ءبىلىم الىپ جۇر­گەن ونداعان وقۋشىنىڭ ىندەت جۇقتىرعانى انىقتالدى. ولاردىڭ 75-ءى شتات­تىق رەجىمدە, 4-ەۋى قاشىقتان ءبىلىم الىپ جۇرگەن. وسىلايشا, 68 سىنىپ كارانتينگە جىبەرىلدى.

ۆاكتسينالاۋ ىندەتتىڭ الدىن الۋدىڭ باستى قارۋى ەكەنىن تاعى ءبىر مارتە ەكپىن ءتۇسىرىپ ايت­ساق, ارتىقتىعى بولماس. ەكپە الۋعا بارلىق جاعداي جاسالىپ وتىر. وبلىس ورتالىعىندا كورو­ناۆيرۋسقا قارسى ەكپە ەگۋ ءۇشىن 12 ستاتسيونارلىق ەكپە پۋنكتى مەن 1 جىلجىمالى كەشەن جابدىقتالعان. قازىرگى ۋاقىتتا سارىارقا شاعىن اۋدا­نىن­دا جىلجىمالى كەشەن تۇر­عىن­دارعا ەكپە ەگۋدە. بۇل جىلجىمالى نىسان 1-1,5 اپتا وسى شاعىن اۋداندا تۇرسا, كەيىن باسقا اۋداندارعا بارىپ, سول اۋماقتىڭ تۇرعىندارىنا ەكپە ەكپەك.

22 قىركۇيەكتەگى مالىمەت بويىنشا قالادا كوروناۆيرۋسقا قارسى ۆاكتسينانىڭ ءبىرىنشى بولى­گى­مەن 66 744 ادام قام­تى­لىپتى. بۇل ەكپە الۋعا دەنساۋلىعى جارامدى ادامداردىڭ 56 پا­يى­­زىن قۇرايدى. جاۋاپتى ناۋ­­قان باستالعالى قانشاما قۇلاققاعىس جاسالىپ, جەرىنە جەتە ءتۇسىندىرىلىپ, بارلىق جاع­داي تۋدىرىلسا دا, نەمقۇ­راي­دى­لىق ءالى دە بەل الىپ تۇر. ءتىپتى اعزاسىندا اۋرۋى بار ەكە­­­نىن بىلەتىن ادامداردىڭ قالا كوشەلەرىندە ەمىن-ەركىن جۇر­گە­نىن قالاي تۇسىنۋگە بولادى. ازىرگە مۇنداي سالعىرتتىقتىڭ سوقپاعىن Ashyq قوسىمشاسى كەسىپ تۇر. ايتالىق قالاداعى 80-نان اسا كاسىپكەر Ashyq-تى پايدالانىپ, كاسىپتەرىن دوڭ­گە­لەتۋدە. سوڭعى دەرەكتەرگە قا­را­عاندا, قوسىمشا ورناتىلعان قوعامدىق ورىندارعا بارعان 690 ادامنىڭ كارانتيندىك وقشاۋلاۋ ءتارتىبىن بۇزۋشىلار ەكەنى انىق­تالعان. وسىنشاما, ادام دەرت­تى بولىپ جۇرسە دە, وزگەنىڭ جا­يىن ويلاماعانى قالاي؟ بەرە­كە­سىزدىك بەلەڭ العان جەردە ءدۇم­پۋى ازايماي تۇرعان دەرتتى سە­يىلتۋ قيىنعا سوعارى انىق. قوسىمشا ارقىلى انىقتالعان ناۋقاسقا شالدىققانداردىڭ 553-ءى «قىزىل», 157-ءى «سارى» مارتەبەسىمەن كوپشىلىك ورىنداردا جۇرگەن. تالاپ بۇزعاندارعا 30 اەك مولشەرىندە ايىپپۇل سالىنىپتى.

ايىپپۇل ارقالاعانىمەن, ايىبى – بەسباتپان. ءوزىنىڭ دە, وزگەنىڭ دە دەنساۋلىعىنا كى­نا­رات كەلتىرمەۋدى ويلاعان ابزال بولار.

كوكشەتاۋ