اتىراۋ وبلىسىندا زاڭسىز جۇمىس ىستەگەن 9 شەتەلدىك ۇستالدى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, شەتەلدىكتەر قىزىلقوعا اۋدانىندا زاڭسىز جۇمىس ىستەگەنى انىقتالعان.
«وڭىردە 1 قىركۇيەكتەن بەرى «ۋچاسكە» جەدەل پروفيلاكتيكالىق ءىس-شاراسى ءوتىپ جاتىر. اتالعان ءىس-شارا كەزىندە قىزىلقوعا اۋداندىق پوليتسيا ءبولىمىنىڭ قىزمەتكەرلەرىمەن شالعاي ەلدى مەكەندەر مەن قىستاقتاردى تەكسەرۋ جۇرگىزدى.
تەكسەرۋ كەزىندە الىستاعى قىستاقتاردا تىركەۋسىز جۇرگەن قازاقستان رەسپۋبليكاسىنىڭ 12 ازاماتى انىقتالدى.
سونداي-اق زاڭسىز جۇمىس ىستەگەن 9 شەتەلدىك ۇستالدى. ولارعا قر اكىمشىلىك قۇقىقبۇزۋشىلىق تۋرالى كودەكسىنىڭ 492-بابىمەن, جۇمىس بەرۋشى تۇلعالارعا اتالعان قۇجاتتىڭ 518-بابىنا سايكەس اكىمشىلىك حاتتامالار تولتىرىلدى», دەپ حابارلادى دەپارتامەنتتىڭ ءباسپاسوز قىزمەتى.