قازاقستاندا درون اپپاراتتارىنىڭ يەلەرىنە جاڭا تالاپتار ەنگىزۋ جوسپارلانۋدا. بۇل تۋرالى يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى بەرىك قاماليەۆ ايتتى, دەپ حابارلايدى Egemen.kz.
«ازاماتتىق اۆياتسيا سالاسىندا زاڭناماعا ۇشقىشسىز ۇشۋ اپپاراتتارىن پايدالانۋ پروتسەسىن رەتتەۋ جونىندەگى نورمانى ەنگىزۋ, اتاپ ايتقاندا سەرتيفيكاتتاۋ ءراسىمىن ەنگىزۋ, قاشىقتىقتان سايكەستەندىرۋگە قويىلاتىن تالاپتاردى بەلگىلەۋ جانە ولاردى پايدالانۋ ايماقتارىن ايقىنداۋ ىسپەتتەس وزگەرىستەر ۇسىنىلادى. سونداي-اق, «ۇشقىشسىز اۆياتسيالىق جۇيە» جانە «ۇشقىشسىز اۋە كەمەسى» ۇعىمدارى ەنگىزىلۋدە», دەدى قاماليەۆ ماجىلىستە كولىك ماسەلەلەرى جونىندەگى جاڭا زاڭ جوباسىنىڭ تانىستىرىلىمىندا.
قاماليەۆ جەكە تۇلعالاردا درونداردى رەتتەۋ تۋرالى ماسەلە ۇقك, مەملەكەتتىك كۇزەت قىزمەتى جانە ءىىم وكىلدەرىمەن بىرگە بىرنەشە رەت تالقىلانعانىن ءتۇسىندىردى.
ء«بىزدىڭ ازاماتتارىمىز عانا ەمەس, ەلىمىزدىڭ قالالارى اۋماعىندا شەتەلدىك تۇلعالار درونداردى پايدالانىپ, تۇسىرۋگە تىيىم سالىنعان ستراتەگيالىق نىسانداردى تۇسىرگەن جاعدايلار بولدى. سوندىقتان جاڭا زاڭ جوباسىندا جەكە تۇلعالارعا دا تالاپتار قويىلادى», دەدى بەرىك قاماليەۆ.