جولاۋشىلار پويىزدارىنىڭ جىلجىمالى قۇرامىنىڭ سوقتىعىسۋىنا اكەلگەن وقيعالاردى تەكسەرۋدى ۋاكىلەتتى ورگاننىڭ قۇزىرەتىنە بەرۋ ۇسىنىلادى, دەپ حابارلايدى Egemen.kz.
بۇل تۋرالى ماجىلىستە زاڭنامالىق اكتىلەرگە كولىك ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىن تانىستىرۋ كەزىندە قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ ايتتى.
«بىرقاتار تۇزەتۋ تەمىرجول جانە سۋ كولىگىندەگى قوزعالىس قاۋىپسىزدىگىن ارتتىرۋعا باعىتتالعان. قازىرگى ۋاقىتتا تەمىرجول كولىگىندەگى اپاتتار مەن اۆاريالاردى تەرگەۋدى كولىك سالاسىنداعى ۋاكىلەتتى ورگان, ال وقيعالار مەن كولىك قاقتىعىسىن تاسىمالداۋ پروتسەسىنە قاتىسۋشىلاردىڭ وزدەرى جۇرگىزەدى.
ادامداردىڭ ءومىرى مەن دەنساۋلىعىنىڭ قۇندىلىعىن ەسكەرە وتىرىپ, زاڭ جوباسى اياسىندا جولاۋشىلار پويىزدارىنىڭ جىلجىمالى قۇرامىنىڭ تۇسۋىنە نەمەسە سوقتىعىسۋىنا اكەلگەن وقيعالاردى تەكسەرۋدى ۋاكىلەتتى ورگاننىڭ قۇزىرەتىنە بەرۋ ۇسىنىلادى.
سونداي-اق, ۋاكىلەتتى ورگاننىڭ قۇزىرەتىنە كاسپي تەڭىزىنىڭ اۋماقتىق سۋلارىندا قازاقستان رەسپۋبليكاسى مەملەكەتتىك تۋى استىندا جۇزەتىن كەمەلەرگە قاتىستى بولعان اۆاريالىق جاعدايلاردى تەرگەۋدى قوسۋ ۇسىنىلادى», دەدى ۆيتسە-مينيستر زاڭ جوباسىن تانىستىرۋ كەزىندە.