جەكە سوت ورىنداۋشىلاردىڭ رەسپۋبليكالىق پالاتاسى الماتىداعى اقبۇلاق ىقشام اۋدانىندا بولعان وقيعاعا قاتىستى تۇسىنىكتەمە بەردى, دەپ جازادى Egemen.kz.
«بۇل ەكى جەكە تۇلعانىڭ اراسىندا شىققان داۋ. تۇرعىن ءۇيدى ەلەكتروندى اۋكتسيون ارقىلى ساتىپ العان جانە مەنشىك قۇقىعى تىركەلگەن ادام بۇرىنعى يەلەرى ءۇيدى بوساتۋى ءۇشىن سوتقا جۇگىنگەن. سوت تالاپتى 2020 جىلدىڭ 10 ماۋسىمىندا قاناعاتتاندىرعان. بورىشكەرگە بىرنەشە رەت ءۇيدى بوساتۋ تۋرالى ەسكەرتىلگەن. سوت شەشىمىن ورىنداۋ كەزىندە قايعىلى جاعداي ورىن الىپ, بەس ادام قازا تاپتى», دەپ جازىلعان حابارلامادا.
وسىعان بايلانىستى جەكە سوت ورىنداۋشىلاردىڭ رەسپۋبليكالىق پالاتاسى قىزمەت بابىندا قازا تاپقانداردىڭ وتباسى مەن جاقىندارىنا قايعىلارىنا ورتاقتاسىپ كوڭىل ايتتى.
«زارداپ شەككەندەردىڭ وتباسىلارى مەن كامەلەتكە تولماعان بالالارى قالدى. جەكە سوت ورىنداۋشىلار قوعامداستىعى زارداپ شەككەندەردىڭ وتباسىنا جان-جاقتى قولداۋ مەن كومەك كورسەتەدى. وقيعانىڭ ءمان-جايىن قۇقىق قورعاۋ ورگاندارى تەكسەرىپ جاتىر», دەپ اتاپ ءوتتى پالاتادان.
ەسكە سالايىق, 20 قىركۇيەك كۇنى الماتىنىڭ الاتاۋ اۋدانىنداعى «اقبۇلاق» ىقشام اۋدانىندا 1967 جىلى تۋعان ەر ادام سوت ورىنداۋشىلارىنا, ۋچاسكەلىك پوليتسيا ينسپەكتورلارىنا جانە بەيبىت تۇرعىندارعا وق جاۋدىردى. بەس ادام قازا تاپتى. اتالعان فاكتى بويىنشا «ەكى نەمەسە ودان دا كوپ ادامعا قاتىستى كىسى ءولتىرۋ» بابى بويىنشا تەرگەۋ باستالدى. بۇل قىلمىس ءۇشىن 20 جىلعا دەيىن باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جازاسى قاراستىرىلعان.
كۇدىكتى ارنايى جاساقتىڭ قاتىسۋىمەن ۇستالدى.