الماتىدا كامەلەتكە تولماعان بالا 34 مەكتەپتى «مينالاعانى» تۋرالى جالعان اقپارات تاراتقان. پوليتسيا سوتقا دەيىنگى تەرگەۋ جۇرگىزۋدە, دەپ حابارلايدى Egemen.kz.
ەكسترەميزمگە قارسى ءىس-قيمىل دەپارتامەنتىنىڭ باستىعى دارحان رازۋەۆتىڭ ايتۋىنشا, بۇل قىلمىستىڭ سەبەبى بالالاردىڭ اتا-انا نازارىنان تىس ينتەرنەتتە باقىلاۋسىز ۋاقىت وتكىزۋ بولۋى مۇمكىن.
«كامەلەتكە تولماعاندار اراسىندا نەگىزگى سەبەپتەر – دوستاردىڭ الدىندا وزدەرىنىڭ باتىلدىعىن, تاۋەكەلدىلىگىن, ساباققا قاتىسقىسى كەلمەيتىنىن نەمەسە ساباققا دايىن ەمەستىگىن كورسەتۋ. ال ەرەسەكتەر تاراپىنان بۇزاقىلىق تۇراقسىز پسيحيكاسى بار ادامداردا ءجيى كەزدەسەدى», دەدى ول.
مۇنداي قىلمىستاردىڭ 88%-ىن جۇمىسسىزدار جاسايدى. «ازىلكەشتەردىڭ» ورتاشا جاسى 30-دان 49 جاسقا دەيىن, ولار جىل سايىن قىلمىستىڭ 55%-ىن جاسايدى. قاسكۇنەمدەردىڭ اراسىندا 18-دەن 29 جاسقا دەيىنگى جاستار دا بار, ولار مۇنداي قىلمىستاردىڭ 20-دان 27%-عا دەيىن جاسايدى.
انونيمدەر جالعان حابارلامالاردى 85% دەرلىك ۇيالى تەلەفونداردان قوڭىراۋلار قالدىرادى, 8% ينتەرنەت ارقىلى حابارلامالار جىبەرەدى.