الماتى وبلىسىندا ءوز ۇيىندە 20 قاپ ماريحۋانا ساقتاعان دەسترۋكتيۆتى ءدىني اعىمنىڭ جاقتاۋشىسى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
الماتى وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى الماتى وبلىسى ۇقكد قىزمەتكەرلەرىمەن بىرگە ءوز ۇيىندە ەسىرتكى زاتى بار 20 قاپتى زاڭسىز ساقتاعان جەرگىلىكتى تۇرعىندى ۇستادى.
ءتىنتۋ بارىسىندا دەسترۋكتيۆتى ءدىني اعىمنىڭ 49 جاستاعى جاقتاۋشىسىنان جالپى سالماعى 17,3 كەلى بولاتىن 20 قاپ ەسىرتكى زاتى تابىلىپ, تاركىلەندى.
«49 جاستاعى كۇدىكتىگە قاتىستى قر قك-ءنىڭ 296-بابى, 4-بولىگى «ەسىرتكى زاتتارىمەن زاڭسىز اينالىسۋ» بويىنشا قىلمىستىق ءىس قوزعالدى. ۇستالعان ازامات قر قىجك 128-بابىنىڭ تارتىبىمەن الاكول اپب ۋۇي-عا قاماۋعا الىندى», دەپ حابارلادى الماتى وبلىسى پد ۋپە باستىعى رۋسلان نايزاباسوۆ.
الىنعان زاتتار ساراپتاماعا جىبەرىلدى.