ءالجيردىڭ بۇرىنعى پرەزيدەنتى ابدەلازيز بۋتەفليكا 84 جاسىندا قايتىس بولدى. ول بۇل قىزمەتتەن ەكى جىل بۇرىن كەتكەن, دەپ جازادى Egemen.kz.
ء«الجيردىڭ بۇرىنعى پرەزيدەنتى ابدەلازيز بۋتەفليكا 84 جاسىندا قايتىس بولدى», دەپ حابارلادى ەل پرەزيدەنتىنىڭ كەڭسەسى.
ول ۇزاق ۋاقىت اۋىرىپ كەيىن قايتىس بولدى.
ابدەلازيز بۋتەفليكا 1999 جىلى الجير پرەزيدەنتى بولىپ سايلاندى. ول ۋاقىتتا باسقا كانديداتتار سايلاۋ شارتتارىنا نارازىلىق ءبىلدىرىپ, ۇمىتكەرلىكتەن باس تارتقان بولاتىن. وسىدان كەيىن بۋتەفليكا بىرنەشە رەت قايتا سايلاندى.
2013 جىلى پرەزيدەنت ينسۋلت الىپ, مۇگەدەك ارباسىنا تاڭىلدى. سودان بەرى كوپشىلىك الدىندا سيرەك كورىندى. سوڭعى رەت الجيرلىكتەر ونى 2017 جىلى ەل استاناسىندا مەترو ستانتسياسى مەن مەشىت اشقاندا كورگەن.
2019 جىلى بۋتەفليكا قارتايعانىنا جانە سىرقاتىنا, ۇزاق ۋاقىت شەتەلدە ەمدەلۋگە ءماجبۇر بولعانىنا قاراماستان, بەسىنشى رەت سايلاۋعا تۇسپەكشى بولدى. بۇل جاپپاي نارازىلىق تۋدىردى. 2019 جىلدىڭ 2 ساۋىرىندە ارميانىڭ قىسىمىمەن وتستاۆكاعا كەتۋگە ءماجبۇر بولدى.
بۋتەفليكا پرەزيدەنت كەزىندە 1990 جىلدارى ەلدە قاندى ازاماتتىق سوعىس جۇرگىزگەن قارۋلى يسلاميستەرمەن كەلىسىمگە قول جەتكىزدى.
ول وتستاۆكاعا كەتكەننەن كەيىن جاڭا بيلىك نارازىلاردى تىنىشتاندىرۋ ءۇشىن ەكس-پرەزيدەنتتىڭ اينالاسىنداعىلاردى سىبايلاس جەمقورلىققا قاتىستى تەكسەرە باستادى. بىرنەشە سەرىگى سوتتالدى, ونىڭ ىشىندە بۇرىنعى بۋتەفليكانىڭ اعاسى دا بار.