ورال قالاسى اكىمدىگىنىڭ ۇيىمداستىرۋىمەن تاۋەلسىزدىكتىڭ 30 جىلدىعى اياسىندا جانە ءداستۇرلى «قالا كۇنى» مەرەكەسىنە وراي JaiyqFilmFest حالىقارالىق قىسقامەتراجدى جانە دەرەكتى فيلمدەر كينوفەستيۆالى وتۋدە.
دارىندى اۆتورلاردى, رەجيسسەرلەر مەن اكتەرلەردى, سونداي-اق ۇزدىك فيلمدەردى انىقتاۋدى ماقسات ەتكەن جوبا اياسىندا تاجىريبە الماسۋ ءۇشىن شەبەرلىك ساعاتتارى وتكىزىلىپ جاتىر.
فەستيۆالدىڭ اشىلۋ سالتاناتىندا ادامنىڭ اشكوزدىگى, قاتىگەزدىگى مەن ەرەكشە ءومىرى سۋرەتتەلگەن ەرلان نۇرمۇحامبەتوۆتىڭ «كونوكرادى. ۋاقىت جولدارى» ءفيلمىنىڭ تۇساۋكەسەرى جانە جابىق كورسەتىلىمى ۇسىنىلدى. ءفيلمنىڭ باستى كەيىپكەرى – كانن كينوفەستيۆالىنىڭ لاۋرەاتى سامال ەسلياموۆا. فەستيۆالدا التىناي نوگەربەك, ەرلان نۇرمۇحامبەت, جەڭىسحان مومىشەۆ جانە قازىلار القاسىنىڭ ءتورايىمى مەرۋەرت وتەكەشوۆا تورەلىك ەتۋدە.
سونداي-اق قازىرگى قازاق كينوسىنىڭ وكىلدەرى شاقىرىلعان. ايتا كەتەيىك, كينوفەستيۆالعا ءوتىنىم بەرۋ 10 قىركۇيەكتە اياقتالاعان ەدى. جالپى سانى 101 ءوتىنىم كەلىپ تۇسسە, ونىڭ 31-ءى ەكىنشى كەزەڭگە ءوتتى. دودادا قىرعىزستان, وزبەكستان, بەلارۋسسيا, ۋكراينا, ت.ب. 10-نان استام وزگە مەملەكەتتىڭ كينولارى باق سىناپ جاتىر.