نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسى عازيزا جۇبانوۆا اتىنداعى مەملەكەتتىك ىشەكتى اسپاپتار كۆارتەتى «استانا وپەرا» تەاترىندا الەمدىك مۋزىكانىڭ كورنەكتى وكىلى, ۆەنگەر كومپوزيتورى بەلا بارتوكتىڭ 140 جىلدىق مەرەيتويىنا ارنالعان «پود زناكوم بەلى بارتوكا» اتتى كونتسەرتتەر سەرياسىن جالعاستىردى. ءانسامبلدىڭ كوركەمدىك جەتەكشىسى – قازاقستاننىڭ ەڭبەك سىڭىرگەن قايراتكەرى – ەرنار مىڭتاەۆ.
باعدارلاما اياسىندا بەلا بارتوك شىعارمالارىنان بولەك كامەرالىق مۋزىكانىڭ نەگىزىن قالاۋشى, ۆەنالىق كلاسسيك دجوزەف گايدننىڭ ىشەكتى كۆارتەتى جانە قازاق كومپوزيتورى ءساتجان شامەنوۆ شىعارماسىنىڭ پرەمەراسى ءوتتى.
كورەرمەنگە كلاسسيكالىق مۋزىكا كەشىن تارتۋ ەتكەن عازيزا جۇبانوۆا اتىنداعى ىشەكتى اسپاپتار كۆارتەتىندە ونەر كورسەتكەن ءبىرىنشى سكريپكادا – ايدار توقتاليەۆ, ەكىنشى سكريپكادا – الەكسەي لەبەدەۆ, ۆيولادا – بەكزات سايلاۋباي ۇلى جانە ۆيولونچەلدە – قازاقستاننىڭ ەڭبەك سىڭىرگەن قايراتكەرى ەرنار مىڭتاەۆ كەشتىڭ ءسانىن كىرگىزىپ, الەمدىك مۋزىكا جاۋhارلارىن ەلوردالىق كورەرمەنگە تارتۋ ەتتى.