NEET ساناتىنداعى جاستاردى انىقتاۋ جانە ەسەپتەۋ بويىنشا ۇسىنىستار ازىرلەۋ ماقساتىندا 16 قىركۇيەكتە نۇر-سۇلتان قالاسىندا ءبىرىنشى فاسيليتاتسيالىق سەسسيا ءوتتى.
ونىڭ جۇمىسى 23 قىركۇيەكتە جالعاسىپ, 29 قىركۇيەكتە اياقتالادى. ءىس-شاراعا جاستار جانە وتباسى ىستەرى كوميتەتىنىڭ توراعاسى ش.ا.بايمانوۆ, سونداي-اق دۇنيەجۇزىلىك بانكتىڭ جوبانى باسقارۋ توبىنىڭ, قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ, ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلدەرى, جاستاردى دامىتۋ سالاسىنداعى ساراپشىلار مەن جاستار رەسۋرستىق ورتالىقتارى قاتىستى.
سەسسيا بارىسىندا ءاربىر قالا مەن اۋدان بويىنشا NEET وڭىرلىك دەرەكتەر بازاسىن قۇرۋ ماسەلەلەرى, سونداي-اق جاستاردىڭ وسى ساناتىن ەسەپتەۋ ءادىسناماسى تالقىلاندى.
فاسيليتاتسيالىق سەسسيانىڭ ناتيجەلەرى بويىنشا NEET ساناتىنداعى جاستار توبىن, سونداي-اق وسال توپتارعا جاتاتىن جاستاردىڭ نەگىزگى قاجەتتىلىكتەرىن انىقتاۋ تاسىلدەرى بويىنشا ۇسىنىستار دايىندالادى.
سونداي-اق NEET ساناتىنداعى جاستارمەن جۇمىس ىستەۋگە باعىتتالعان ادىستەمەلىك قۇرالداردى دايىنداۋ ءۇشىن NEET ساناتىنداعى جاستاردى انىقتاۋ, ەسەپكە الۋ جانە ەسەپتەۋ ءادىسناماسى جوباسىنا ۇسىنىمدار ازىرلەنەدى. ۇسىنىستار جينالادى, جىكتەلەدى جانە ۇسىنىمدار فورماتىنا كەلتىرىلەتىن بولادى.
جوبا قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى جانە دۇنيەجۇزىلىك بانكتىڭ جوبانى باسقارۋ توبى ارقىلى ىسكە اسىرىلادى.
«ەگەمەن-اقپارات»