اعىمداعى جىلعى 15 قىركۇيەكتە اقتاۋ قالاسىنىڭ دوستىق ۇيىندە قازاقستان حالقى اسسامبلەياسى توراعاسىنىڭ ورىنباسارى م.ءازىلحانوۆ ماڭعىستاۋ وبلىسىنىڭ ەتنومادەني بىرلەستىكتەرىنىڭ باسشىلارىمەن كەزدەستى.
ءىس-شاراعا ماڭعىستاۋ وبلىسىنىڭ اكىمى ن.نوعاەۆ, اقپارات جانە قوعامدىق دامۋ مينيسترلىگىنىڭ وكىلدەرى, وبلىستىڭ چەشەن-ينگۋش, ارميان, ازەربايجان, تاتار, نەمىس, ۋكراين, رۋمىن-مولداۆان, بەلورۋس, كورەي, ەۆرەي ەتنومادەني بىرلەستىكتەرىنىڭ باسشىلارى قاتىستى.
كەزدەسۋ بارىسىندا ەتنومادەني بىرلەستىكتەردىڭ قىزمەتىنە جانە قحا-نىڭ ەتنوسارالىق كەلىسىم مەن جالپىۇلتتىق بىرلىكتى نىعايتۋ جونىندەگى جۇمىس جوسپارلارىنا قاتىستى اعىمداعى ماسەلەلەر تالقىلاندى.
اتاپ ايتقاندا, ەتنومادەني بىرلەستىكتەردىڭ قىزمەتىنە جوبالىق تاسىلدەردى ەنگىزۋ, مەملەكەتتىك ءتىلدى ىلگەرىلەتۋ, قايىرىمدىلىق جانە ۆولونتەرلىك جۇمىس, قحا جاستار قوزعالىسىن دامىتۋ جانە ت.ب. ماسەلەلەر قارالدى.
كەزدەسۋ سوڭىندا م.ءازىلحانوۆ ەتنومادەني بىرلەستىكتەردىڭ جەكەلەگەن وكىلدەرىنە العىس حاتتار تاپسىرىپ, ولارعا قوعامداعى تاتۋلىقتى, دوستىق پەن كەلىسىمدى نىعايتۋداعى جۇمىستارى ءۇشىن العىس ايتتى.
«ەگەمەن-اقپارات»