اتىراۋلىق سپورتشى ازيانىڭ ءۇش دۇركىن چەمپيونى اتاندى, دەپ حابارلايدى Egemen.kz.
وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, 10 قىركۇيەكتە بىرىككەن اراب امىرلىگىنىڭ ابۋ-دابي قالاسىندا دجيۋ-دجيتسۋدان ازيا چەمپيوناتى باستالعان. چەمپيونات ەرتەڭ, 17 قىركۇيەكتە اياقتالادى. «ازيا چەمپيوناتىندا اتىراۋلىق سپورتشى جەڭىس نۇرلىباەۆ 56 كەلى سالماقتا باق سىنادى. ول ءۇندىستان, تايلاند, وزبەكستان ەلدەرىنەن كەلگەن جانە قازاقستاندىق سپورتشىلارمەن كەزدەسۋ وتكىزدى. قارسىلاستارىنىڭ ءبارىن ۇتقان جەڭىس ازيا چەمپيوناتىنىڭ التىن مەدالىن يەلەندى. وسىلايشا, ول ازيانىڭ ءۇش دۇركىن چەمپيونى اتانىپ وتىر», دەپ حابارلادى باسقارمانىڭ ءباسپاسوز قىزمەتى.
اتىراۋلىق سپورتشى جەڭىس نۇرلىباەۆ بۇعان دەيىن 2018, 2019 جىلدارى قۇرلىقتىق چەمپيوناتتىڭ جەڭىمپازى اتانعان.