Energyprom.kz ساراپشىلارى التى ايدا ەلىمىزدە ءداندى داقىلداردان 1,8 ميلليون توننا ۇن مەن ۇساق ۇنتاقتالعان قوسپالار وندىرىلگەنىن, بۇل وتكەن جىلمەن سالىستىرعاندا 3,7%-عا از ەكەنىن حابارلادى, دەپ جازادى Egemen.kz.
ايماقتىق جاعدايدا ۇننىڭ كوپ بولىگى ءداستۇرلى تۇردە قوستاناي وبلىسىندا (587,3 مىڭ توننا, 7,8% ارتىق) ءوندىرىلدى. الدىڭعى قاتارلى ءۇش ايماققا شىمكەنت (189,1 مىڭ توننا, 17,4% كەم) پەن سولتۇستىك قازاقستان وبلىسى (176,1 مىڭ توننا, 3% ارتىق) كىردى.
وتكەن جىلى سەكتوردا ءونىم 3,4 ميلليون تونناعا جەتتى, بۇل وتكەن جىلمەن سالىستىرعاندا 2,6% -عا كوپ.
تامىز ايىندا ءبىرىنشى سۇرىپتى بيداي ۇنىنىڭ بولشەك ساۋداداعى باعاسى ءبىر كيلوگرامم ءۇشىن - 183 تەڭگەنى, جوعارى سۇرىپ ءۇشىن 253 تەڭگەنى قۇرادى.
ەلدىڭ ءىرى قالالارى اراسىندا ءبىرىنشى سۇرىپتى ۇننىڭ ەڭ جوعارى باعاسى اقتاۋ (كگ ءۇشىن 256 تەڭگە), نۇر-سۇلتان (كگ ءۇشىن 237 تەڭگە) جانە الماتىدا (كگ ءۇشىن 236 تەڭگە) تىركەلدى. ەڭ تومەنگىسى اقتوبەدە (1 كگ ءۇشىن 128 تەڭگە).
ال جوعارى سۇرىپتى ۇننىڭ باعاسى نۇر-سۇلتاندا (كگ ءۇشىن 327 تەڭگە), اتىراۋدا (كگ ءۇشىن 326 تەڭگە) جانە الماتىدا (كگ ءۇشىن 287 تەڭگە), ەڭ تومەنى باعا پاۆلوداردا (كگ ءۇشىن 180 تەڭگە) تىركەلدى.
جىلدىق ديناميكادا ۇن باعاسى 11,1%-عا ءوستى. مۇنى جامبىل (23,4%) جانە سولتۇستىك قازاقستان (21,3%) وبلىستارىنىڭ تۇرعىندارى, سونداي-اق الماتىلىقتار (17,3%) قاتتى سەزىندى.