• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
پارلامەنت 16 قىركۇيەك, 2021

سەرىكباي ترۇموۆ سەنات دەپۋتاتى رەتىندە انت بەردى

250 رەت
كورسەتىلدى

قر پارلامەنتى سەناتىنىڭ دەپۋتاتى سەرىكباي وتەلگەن ۇلى ترۇموۆ قازاقستان حالقى الدىندا انت بەردى, دەپ حابارلايدى Egemen.kz.

«وزدەرىڭىزگە بەلگىلى, مەملەكەت باسشىسىنىڭ جارلىعىمەن سەرىكباي ترۇموۆ سەنات دەپۋتاتى بولىپ تاعايىندالدى.

ول جۇمىسشىدان باستالعان ەڭبەك جولىندا ماڭعىستاۋ وبلىستىق ءماسليحاتىنىڭ حاتشىسى, سونداي-اق قالا ءارى وبلىس اكىمى سياقتى جاۋاپتى قىزمەتتەردى اتقارىپ, تۋعان ءوڭىرىنىڭ ءوسىپ وركەندەۋىنە زور ەڭبەگىن ءسىڭىردى. ەندى ءبىزدىڭ قاتارىمىزعا قوسىلىپ وتىر», دەدى سەنات توراعاسى ماۋلەن اشىمباەۆ.

وسى ورايدا س.ترۇموۆ دەپۋتات رەتىندە انت بەردى.

«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىنا قاتاڭ باعىنۋعا, دەپۋتاتتىڭ وزىمە جۇكتەلگەن مارتەبەلى مىندەتتەردى ادال اتقارۋعا انت ەتەمىن», دەدى ول.

جالپى وتىرىس بارىسىندا پالاتا دەپۋتاتتارى س.ترۇموۆتى سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ قۇرامىنا سايلادى.

سوڭعى جاڭالىقتار