قر ەڭبەك جانە حالىقتى الەۋمەتتىك قورعاۋ مينيسترلىگى جانە قازاقستاننىڭ ەۋروپالىق بيزنەس قاۋىمداستىعى ونلاين-كەزدەسۋ وتكىزدى, دەپ جازادى Egemen.kz.
شاراعا قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, ءبىرىنشى ۆيتسە-مينيستر اقمادي سارباسوۆ, قەبق ديرەكتورلار كەڭەسىنىڭ توراعاسى ەرلان دوسىمبەكوۆ, اتقارۋشى ديرەكتورى يۋليا كۋسايدي جانە قاۋىمداستىقتىڭ باسقا دا مۇشەلەرى قاتىستى.
ونلاين-كەزدەسۋ بارىسىندا ەڭبەك جانە كوشى-قون زاڭناماسىنىڭ وزەكتى ماسەلەلەرى, اتاپ ايتقاندا, پەرسونالدى ۇسىنۋ, قىزمەتكەرلەردى ىسساپارعا جىبەرۋ, قاشىقتان جۇمىس ىستەۋ, شەتەلدىك جۇمىس كۇشىن تارتۋ, جۇمىسپەن قامتۋدىڭ جاڭا نىساندارى جانە ت.ب. ماسەلەلەر تالقىلاندى.
اقمادي سارباسوۆ بايانداما جاسادى. سپيكەر ەڭبەك قاتىناستارىن زاڭنامالىق دەڭگەيدە رەتتەۋ جانە قازاقستان جاعدايىندا شەتەلدىك جۇمىس كۇشىن تارتۋ ەرەكشەلىكتەرى تۋرالى ايتىپ بەردى.
«ونلاين-كەزدەسۋدىڭ سوڭىندا سەرىك شاپكەنوۆ پەن ەرلان دوسىمبەكوۆ ىنتىماقتاستىق تۋرالى مەموراندۋمعا قول قويدى. قۇجات شەڭبەرىندە تاراپتار ينۆەستيتسيالىق تارتىمدىلىقتىڭ ءوسۋى, ەڭبەك جانە كوشى-قون زاڭناماسىن جەتىلدىرۋ, قازاقستان مەن ەۋروپالىق وداق ەلدەرى اراسىنداعى الەۋمەتتىك باستامالاردى ىسكە اسىرۋ ءۇشىن بىرلەسكەن كۇش-جىگەر جۇمسايتىن بولادى», دەپ جازادى ەڭبەكمينىنىڭ ءباسپاسوز قىزمەتى.