قازاقستاننان ورالعان ءۇندى ساربازدارىنان كوروناۆيرۋس انىقتالعان

ساربازدار كارانتينگە جابىلعان. دارىگەرلەر قالعان 44 ساربازدىڭ جاعدايىن باقىلاۋدا ۇستاپ وتىر.

«دۇيسەنبىدە قازاقستاننان جاقىندا ورالعان ءۇش جەرگىلىكتى تۇرعىن مەن سەگىز اسكەري قىزمەتكەردىڭ پتر تەستى وڭ ناتيجە كورسەتتى. ارميا بيلىگى تەك ۆيرۋس جۇقتىرعان ساربازداردىڭ سانىن ايتتى. باسقا اقپارات بەرىلمەدى», دەدى دوكتور بالۆير سينگح The Times of India باسىلىمىنا.

قر قورعانىس مينيسترلىگى ءۇندىستان اسكەريلەرى «KazInd-2021» بىرلەسكەن قازاق-ءۇندى وقۋ-جاتتىعۋلارىنا قاتىسقانىن حابارلادى.

«30 تامىزدا ءۇندىستاننان كەلگەن 90 ادام تارازدا پتر تەست تاپسىردى. بارلىعىنىڭ ناتيجەسى تەرىس بولدى. كەتەردە ساربازدار تەست تاپسىرۋدان باس تارتتى», دەپ حابارلادى مينيسترلىكتەن.

قازاقستاندىق اسكەري قىزمەتشىلەر جاتتىعۋ اياقتالعانعا دەيىن جانە اياقتالعاننان كەيىن پتر تەست تاپسىرعان. ولاردىڭ تەست ناتيجەلەرى تەرىس بولدى.