قازاقستاندىق ءانشى ديماش قۇدايبەرگەن تاعى دا King Choice رەيتينگىندە ازياداعى ەڭ سىمباتتى ەر ادام اتاعىنا ۇمىتكەر بولدى, دەپ حابارلايدى Egemen.kz.
بايقاۋ 30 قىركۇيەككە دەيىن جالعاسادى. ەكىنشى ورىندا ديماش قۇدايبەرگەن (1 290 408 داۋىس), ءبىرىنشى ورىندا BTS توبىنىڭ وڭتۇستىككورەيالىق ءانشىسى كيم سوكدجين (1 973 428 داۋىس) تۇر. ازىرگە ءۇشىنشى ورىنعا 967 161 داۋىس جيناعان تاي اكتەرى ۋين مەتاۆين تۇراقتاعان.
ديماش قۇدايبەرگەن - رەيتينگتەگى جالعىز قازاقستاندىق. سونىمەن قاتار كورەيا, قىتاي, تايۆان, گونكونگ, تايلاند, جاپونيا, ءفيليپپيننىڭ انشىلەرى مەن اكتەرلەرى بار.
داۋىس بەرۋدەگى ايىرماشىلىق شامالى, سوندىقتان جاعداي وزگەرۋى دە مۇمكىن. ديماش قۇدايبەرگەننىڭ جانكۇيەرلەرى ءانشىنى قولداۋدى سۇراپ وتىر.
2020 جىلى ديماش قۇدايبەرگەن TC Candler 100 تىزىمىندە جىلدىڭ ەڭ سىمباتتى ادامى اتاعىنا ۇسىنىلعان بولاتىن.