بۇل تۋرالى قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتىنىڭ باسشىسى ايدار ابىلدابەكوۆ ونلاين بريفينگتە ايتتى, دەپ جازادى Egemen.kz.
«ساناقتان باس تارتقاندارعا جاۋاپكەرشىلىك قاراستىرىلعان. ساناق كەزىندە ءار ادام رەسپوندەنت بولىپ ەسەپتەلەدى. اقپارات بەرمەگەنى ءۇشىن نەمەسە بەلگىسىز مالىمەت بەرگەنى ءۇشىن جاۋپكەرشىلىك قاراستىرىلعان. بىراق ءبىز ونى قولدانبايمىز, حالىققا ساناقتان ءوتۋدىڭ پايداسىن ءتۇسىندىرىپ جاتىرمىز», دەيدى ول.
ونىڭ ايتۋىنشا, الماتىدا ساناۋدىڭ نەگىزگى كەزەڭىنە 2 416 ينتەرۆيۋەر, 345 نۇسقاۋشى-كونتروللەر جانە 37 كوميسسار تارتىلعان. سونىمەن قاتار 146 ەرىكتى ساناق پۋنكتتەرىندەگى ونلاين-ساناققا جۇمىلدىرىلعان.
ء«بىز ساناققا قاتىسۋعا جۇمىسسىز ازاماتتاردى, زەينەتكەرلەر مەن ستۋدەنتتەردى تارتتىق. ساناق جۇرگىزۋشىلەر ءبىر ايعا تارتىلادى. بارلىعى 104 مىڭ تەڭگە كولەمىندە جالاقى الادى», دەدى دەپارتامەنت باسشىسى.
ساناق باستالعان 15 كۇن ىشىندە 2 886 150 رەسپوندەنت ونلاين-ساناقتان وتكەن. Sanaq.gov.kz سايتىندا 2 487 415 ادام سۇراققا جاۋاپ بەرسە, 284 659 ادام Egov پورتالى ارقىلى جاۋاپ بەرىپتى, تاعى 114 076 رەسپوندەنت Aitu قوسىمشاسىنىڭ كومەگىمەن ساناقتان وتكەن.
«ساناق ناۋقانىنىڭ قورىتىندىسى بويىنشا شارتتى تۇردە اۋەزوۆ اۋدانى ءبىرىنشى ورىندا, الاتاۋ اۋدانى ەكىنشى ورىندا جانە ناۋرىزباي اۋدانى ۇزدىك ۇشتىكتى جابادى. بوستاندىق, تۇركسىب, المالى اۋداندارىنداعى ساناققا قاتىسۋشىلارىنىڭ سانى شامامەن تەڭ. مەدەۋ مەن جەتىسۋ اۋداندارىنىڭ تۇرعىندارىنىڭ بەلسەندىلىگى ءسال تومەن», دەيدى ابىلدابەكوۆ.
15 قازانعا دەيىن حالىق ساناعىنا ونلاين رەجيمىندە قاتىسۋعا بولادى. وفلاين كەزەڭ 1-30 قازان ارالىعىندا وتەدى.