اقش-تىڭ بۇرىنعى ءۇش پرەزيدەنتى - رەسپۋبليكاشىل دجوردج بۋش پەن دەموكراتتار بيلل كلينتون جانە باراك وباما اۋعان بوسقىندارىنا كومەك كورسەتۋ ماقساتىندا جاڭا ۇيىمعا قوسىلدى, دەپ حابارلايدى Egemen.kz.
بۇرىنعى امەريكالىق كوشباسشىلار مەن ولاردىڭ ايەلدەرى اقش اسكەرى شىعارىلعاننان كەيىن ەۆاكۋاتسيالانعان اۋعاندارعا كومەكتەسۋگە باعىتتالعان Welcome.US كوممەرتسيالىق ەمەس ۇيىمدارى مەن كاسىپورىندارى قۇرامىندا جۇمىس ىستەيدى.
«مىڭداعان اۋعان قاۋىپسىز الەم ءۇشىن بىزبەن بىرگە الدىڭعى قاتاردا تۇردى, ەندى ولار ءبىزدىڭ كومەگىمىزگە مۇقتاج. ءبىز Welcome.US كومپانياسىن ماقتان تۇتامىز جانە اۋعان وتباسىلارىنا كومەكتەسۋ ءۇشىن جۇمىس ىستەيمىز», دەپ مالىمدەدى دجوردج بۋش پەن ونىڭ ايەلى لورا.
ۆەدومستۆو مالىمەتىنشە, بۇل كوممەرتسيالىق ەمەس باستامانىڭ سايتى 14 قىركۇيەكتە ىسكە قوسىلعان. «اۋعانستاندىق جاڭا كورشىلەرىمىزدىڭ قونىس اۋدارۋى بۇكىل ەلدىڭ قاتىسۋىن تالاپ ەتەدى. سوندىقتان ءۇش ەكس-پرەزيدەنت پەن بۇرىنعى ءبىرىنشى حانىمدار بىزگە كوشباسشى رەتىندە قوسىلدى», دەلىنگەن Welcome.US سايتىندا.حيللاري كلينتون, لورا بۋش, ميشەل وباما قۇرمەتتى توراعا بولعان.
سونىمەن قاتار كەڭەس 280-نەن اسا جەكە تۇلعامەن ۇيىمنىڭ, سونىڭ ىشىندە Microsoft كورپوراتسياسى, Starbucks Corp., CVS Health Corp سياقتى اقش كومپانيالارىنىڭ قولداۋىنا يە.