9 قىركۇيەكتە ينسپەكتورلار اسحات نۇرعاليەۆ, باۋىرجان قۇرماناليەۆ جانە ۇلان مۇزاپاروۆتان تۇراتىن قاراعاندى قالاسىنىڭ پب پاترۋلدىك پوليتسيا پولكىنىڭ وتريادى قالانىڭ كيروۆ سەكتورىندا قىزمەت ەتتى. ساعات 23.30 شاماسىندا ولار جەدەل باسقارۋ ورتالىعىنان 22-شاعىن اۋداننىڭ پاتەرىندە وتباسىلىق كەلىسپەۋشىلىك بولعانى تۋرالى حابارلاما العان, دەپ جازادى Egemen.kz.
ءبىز كورسەتىلگەن مەكەنجايعا كەلگەندە ءۇيدىڭ كىرەبەرىسىندە ءبىر ايەل قارسى الدى. بۇرىنعى كۇيەۋى سۋيتسيد جاساماقشى بولعان. WhatsApp جەلىسىندە ەر ادام ۇلكەن قىزىمەن حابارلاسىپ, قوشتاسۋ حاتىن جازىپ, موينىندا ىلمەگى بار سۋرەتىن جىبەرگەن. ايەل بۇرىنعى كۇيەۋى جالدامالى پاتەردە تۇراتىندىقتان, ناقتى مەكەنجايدى ايتا المادى. انىقتالعانداي, تۇرعىن ءۇي كورشى 21-شاعىن اۋداندا ورنالاسقان, دەيدى ا.نۇرعاليەۆ.
ەگەر پوليتسەيلەر 2-3 مينۋت كەشىكسە, ەر ادامعا ەشتەڭە كومەكتەسپەس ەدى. پاترۋلدىكتەر ونىڭ ىلگەگىن شەشىپ, العاشقى مەديتسينالىق كومەك كورسەتتى. ەر ادام ەسىن جيىپ, سويلەپ, قوزعالا باستادى. كەلگەن جەدەل-جاردەم دارىگەرلەرى ەر ادامدى تەكسەرىپ, ونىڭ ومىرىنە ەشتەڭە قاۋىپ توندىرمەيتىنىن ايتتى. انىقتالعانداي, بۇل ازامات ومىردە تىعىرىققا تىرەلگەن, ايەلىمەن اجىراسقان, وعان قوسا جاقىندا جۇمىستان شىعارىلعان.
پوليتسەيلەر ەر ادامدى تۋىستارىنىڭ قاراۋىنا تاپسىرىپ, قىزمەتىن جالعاستىردى.