ءماجىلىستىڭ جالپى وتىرىسىندا دەپۋتات دينارا زاكيەۆا ەلدە بالالار مەن جاسوسپىرىمدەر اراسىندا سۋيتسيد ماسەلەسى ءورشىپ تۇرعانىن ايتتى, دەپ جازادى Egemen.kz.
«قازاقستان قوعامى ءۇشىن تاعى ءبىر وزەكتى ماسەلە – بالالار مەن جاسوسپىرىمدەر اراسىنداعى سۋيتسيد. ستاتيستيكاعا سايكەس 2021 جىلدىڭ تەك التى ايىندا ەلدە 105 سۋيتسيد, سول سياقتى 190 سۋيتسيدكە بارۋ ارەكەتى تىركەلدى. بىرقاتار وڭىردە سۋيتسيد كورسەتكىشىنىڭ ءوسۋى بايقالادى. تۇركىستان, الماتى, شىعىس قازاقستان وبلىستارىنداعى كورسەتكىش وتە قورقىنىشتى. وسىعان بايلانىستى زاڭ جوباسىندا بۇل ماسەلەنى شەشۋ ءۇشىن ورتا ءبىلىم بەرۋ ۇيىمدارىنداعى پسيحولوگيالىق قىزمەتتەردىڭ جۇمىسىن ۇيلەستىرۋ تەتىكتەرى ۇسىنىلادى», دەدى ءماجىلىس دەپۋتاتى.