سۇلۋلىققا ىڭكار سۋرەتشىلەر

1971 جىلى الماتى وبلىس­تىق كاسىپ­­وداقتار كەڭەسى وڭىرلىك ونەر­پاز سۋرەت­شىلەر بىرلەستىگىن قۇرىپ, وعان «سامو­تسۆەتى» دەگەن ات بەرگەن كەزدەن باس­تاپ ونەر الەمىندە ءوز سۇرلەۋىن قا­لىپتاس­تىر­عان ۇجىمنىڭ تاريحى باستالدى. كەيى­نىرەك بەلگىلى بول­عانداي, 400-دەن استام سۋرەتشىنىڭ شى­عارماشىلىق ۇياسىنا اينال­عان بۇل ۇيىم كسرو-داعى ەڭ ءىرى ونەر ۇجىمدارىنىڭ ءبى­رى بولدى. سۋرەتشىلەردى بىرىك­تىرگەن – وزدەرىنىڭ ونەرگە دەگەن سۇيىس­­پەنشىلىگى مەن جاسامپازدىققا دەگەن ۇمتىلىسى. ايتالىق, «سا­مو­تسۆەت­تىڭ» ءوزى بۇكىلوداقتىق, رەس­پۋبليكالىق, حا­لىقارالىق كورمەلەر مەن فەستيۆالدارعا قاتىسىپ, ونىڭ قۇرامىنداعى سۋرەتشى­لەر – وسى كورمەلەردىڭ لاۋرەاتتارى اتاندى. 1974 جىلى جازدا «ساموتسۆەتى» وكىلدەرى دەلەگاتسياسى كسرو حالىقتارى ونە­رىنىڭ ۇلكەن مەرەكەسىنە قاتى­سىپ, التىن ديپلوممەن ما­راپاتتالعانى كوپ­شىلىككە جاقسى تانىس.

 – بۇگىندە «ساموتسۆەتى» جايلى بى­رەۋ بىلسە, بىرەۋ بىلمەي­دى. الاي­دا ونەر­تانۋشىلار مەن باسقا دا زەرت­تەۋ­شىلەر كە­ڭەس­تىك كەزەڭنىڭ حالىقتىق كور­كەم­ونەر­پازدار بەينەلەۋ ونەرى سياق­­تى ەرەكشە قۇبىلىسىنا قىزى­عۋ­شى­لىق تانىتىپ, وسى ماسەلە بويىن­شا ءوز سوزدەرىن ايتاتىن ۋاقىتى كەلەدى دەگەن سەنىمدە­مىن. كەڭەس وداعى كۇيرەگەننەن كەيىن «ساموتسۆەتى» سياقتى ۇل­كەن شى­عارماشىلىق بىرلەس­تىكتىڭ ­دە جۇمىسى توقتاپ قالدى. الاي­دا الماتى قالاسىنىڭ سۋرەتشىلەرى ءوزارا كەزدەسۋدى جالعاستىرا بەر­دى. 2004 جىلى گ.س.كورجين­سكايا باسقاراتىن الماتى مۇ­­گەدەك با­لالاردى وڭالتۋ ورتالىعى كلۋب­­قا جۇمىس ىستەۋ ءۇشىن ءوزىنىڭ ءما­جى­لىس زالىن ۇسىندى. سول جى­لى الماتى سۋ­رەت­شىلەرى جي­نا­لىستارىنىڭ بىرىندە بىر­­لەس­تىكتى الماتى قالالىق بەينە­لەۋ ونە­رى اۋەسقويلارىنىڭ «سا­موتسۆەتى» كلۋ­بى ەتىپ قايتا قۇ­رۋدى ۇيعاردى. بۇگىنگى تاڭ­دا كلۋب قۇرامىنا جاقىن قالالار مەن وبلىس­تاردىڭ سۋرەتشىلەرى كىرىپ وتىر. سون­داي-اق, ءبىزدىڭ بىر­­لەستىكتە ارنايى ءبىلى­مى بار كوپ­تەگەن سۋرەتشى-پەداگوگتەر مەن باسقا ماماندىقتاعى ادامدار بار. كلۋب سۋرەت­شىلەرى 50 جىل­­دان بەرى جينا­لىپ كەلەدى, قا­لا­نىڭ ءتۇرلى گالەرەيالارى مەن كورمە زالدارىندا توپتىق جانە جە­كە كورمەلەرىن ۇيىمداستىرىپ ءجۇر. بىر­لەستىك قىزمەتىنە قىزى­عۋشىلىق تانىت­ق­ان­دار ءۇشىن ءبىز­­د­ىڭ ەسىگىمىز ارقاشان اشىق, – دەيدى «ساموتسۆەتى» كلۋبىنىڭ تور­اعاسى, سۋرەتشى-پەداگوگ ناتاليا كۋحارەنكو.

ونەر ۇجىمىنىڭ جەتەك­شىسى تىلگە تيەك ەتكەندەي, شىعار­ما­شىل توپتىڭ قا­تا­رىنا وزىنە قو­لايلى ورتا ىزدەگەن جاس كاسى­بي سۋرەت­شىلەر اعىلىپ كەلە باستاعان. ال ولار­دىڭ قالام-قۋاتىن تانىتاتىن ونەر جار­مەڭكەسىنە 110-نان استام كەسكىن­دە­مەلىك, گرا­فيكالىق شىعارمالار مەن سان­دىك-قولدانبالى ونەر تۋىندىلارى قويىلعان.

الماتى