2021 جىلدىڭ ءبىرىنشى جارتىجىلدىعىندا «قازتەمىرترانس» اق 4,8 مىڭنان استام ۆاگونى جوسپارلى جوندەۋ تۇرلەرىنەن ءوتتى, دەپ جازادى Egemen.kz.
بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى.
بۇل رەتتە كۇردەلى سالىمدار جوسپارى بويىنشا ۆاگونداردى جوندەۋ كولەمى 117%-دى قۇرادى, ياعني وتكەن جىلمەن سالىستىرعاندا 34 ۆاگونعا ارتىق. 2021 جىلى 2020 جىلعا قاراعاندا 9% كوپ ۆاگون كۇردەلى جوندەۋدەن ءوتتى.
اعىمداعى جىلدىڭ تامىز ايىندا «قازتەمىرترانس» اق ۆاگوندار پاركى 42 مىڭنان استام ۆاگوندى قۇراسا, ورتاشا توزۋ دەڭگەيى 54%-دان استى.
جۇك جونەلتۋشىلەردى جارامدى جىلجىمالى قۇراممەن قامتاماسىز ەتۋ ءۇشىن وسى جىلى جۇك ۆاگوندارىنىڭ پاركى جارتىلاي ۆاگونداردى ليزينگكە ساتىپ الۋ ەسەبىنەن تولىقتىرىلادى. تامىز ايىنىڭ سوڭىندا 850 اشىق ۆاگون ساتىپ الىندى. بيىل قىركۇيەكتە تاعى 150 ۆاگون جەتكىزىلەدى.
2020 جىلدىڭ قاڭتارىنان باستاپ «قازتەمىرترانس» اق اق جۇك ۆاگوندارىن جوندەۋدىڭ جوسپارلى تۇرلەرىن جاسالعان شارتقا سايكەس سەرۆيستىك كومپانيا جۇرگىزەدى. كومپانيا ءۇشىن ۆاگونداردى جوندەۋ - بەيىندى قىزمەت ەمەس ەكەندىگىنە قاراماستان, وسى سالانى قاتاڭ تالداۋ جانە باقىلاۋ جۇزەگە اسىرىلادى.