قازاقستاندا بەلگىلى جازۋشى ءىلياس ەسەنبەرليننىڭ تولىق اڭگىمەلەر جيناعى باسىلىپ شىعارىلدى. وقىرماندار نازارىنا بۇرىن-سوڭدى جارىق كورمەگەن تۋىندىلار ۇسىنىلادى, دەپ جازادى Egemen.kz.
«جيناققا ءىلياس ەسەنبەرليننىڭ «مۇحيتتان وتكەن قايىق» اتتى ۇلكەن رومانى دا ەندى. بۇل تۋىندىعا جازۋشىنىڭ كوزى تىرىسىندە كەڭەس ۋاقىتىندا تسەنزۋرامەن تىيىم سالىنعان بولاتىن», دەپ حابارلايدى ءىياس ەسەنبەرلين اتىنداعى قور.
ەسەنبەرلين ءوز شىعارماسىندا كەڭەس بيلىگى مەن قازاقستان حالقى اراسىنداعى ءوزارا بايلانىستى, دىنمۇحامەد قوناەۆ پەن باسقا دا زيالى قاۋىم وكىلدەرىن مىسال ەتىپ بەينەلەگەن.
ء«ىلياس ەسەنبەرليننىڭ ەڭبەكتەرىن زەرتتەپ-تانىمايىنشا قازاق تاريحىن تولىق تانىپ-ءبىلۋ مۇمكىن ەمەس. ءبىز اتا-بابامىزدىڭ كۇردەلى, الايدا ەرلىككە تولى ءجۇرىپ وتكەن جولىن ماڭگى ەستە ساقتاۋىمىز كەرەك. جازۋشىنىڭ «كوشپەندىلەر» تريلوگياسى جانە «التىن وردا» رومانى ءبىزدىڭ تاريحتى قالپىنا كەلتىرۋگە ۇلكەن ىقپال ەتتى. قازاق حالقىنىڭ پاتريوتتىق رۋحىن كوتەرەتىن ءىلياس ەسەنبەرليننىڭ تۋىندىلارى ءبىزدىڭ قاسيەتتى جەرىمىزدىڭ تاريحىنا دەگەن قارىم-قاتىناستى قاستەرلەۋگە ۇيرەتەدى», دەپ جازىلعان قازاقستان پرەزيدەنتى قاسىم-جومارت توقاەۆتىڭ وقىرماندارعا ارنالعان ۇندەۋىندە.
شىعارمالار جيناعىنا «اققۋ قۇستار قۋانىشى» مەن «الىستاعى ارالدار» اتتى بۇرىن ورىس تىلىنە اۋدارىلماعان, كەش جازىلعان روماندارى دا ەندى. جيناققا سونداي-اق پوەمالار مەن ولەڭدەر جانە برۋسيلوۆسكي مەن بايقاداموۆتىڭ مۋزىكاسىنا جازىلىپ, 50-ءشى جىلدارى جارىق كورگەن اندەر ءماتىنى دە ەنگەن.
ءىلياس ەسەنبەرليننىڭ شىعارماشىلىعى قازاقستاندا عانا ەمەس, بۇكىل الەمدە كەڭىنەن تانىمال. ونىڭ كىتاپتارى الەمنىڭ 30-دان استام تىلىنە اۋدارىلعان, كىتاپتارىنىڭ جالپى تارالىمى 7 ميلليونعا جۋىق.