سينوپتيكتەر الماتىدا 30 گرادۋسقا دەيىن ىستىق كۇتىلەتىنىن ايتتى, دەپ حابارلايدى Egemen.kz.
«قازگيدرومەت» رمك بولجامى بويىنشا, مەگاپوليستە كۇزدىڭ باسى جىلى بولادى.
«14-15 قىركۇيەكتە الماتىدا كوشپەلى بۇلت شىعادى, جاۋىن-شاشىنسىز بولادى. سولتۇستىك-شىعىستان 2-7 م/س جەل سوعادى, اۋا تەمپەراتۋراسى تۇندە 13-17, كۇندىز 26-30 گرادۋس جىلى بولادى. 16 قىركۇيەكتە كوشپەلى بۇلت شىعادى, كۇندىز جاڭبىر جاۋادى, كۇن كۇركىرەيدى. وڭتۇستىك-باتىستان 5-10 م/س جەل سوعادى, اۋا تەمپەراتۋراسى تۇندە 16-18, كۇندىز 26-28 گرادۋس جىلى بولادى», دەپ حابارلادى مەتەورولوگتار.
سينوپتيكتەر اتاپ وتكەندەي, كۇزگى سالقىندىق پەن جاڭبىر قازاقستاننىڭ سولتۇستىك بولىگىنە كەلەدى.
«رەسپۋبليكانىڭ سولتۇستىك ايماقتارىندا ءالى دە سالقىن جانە جەلدى بولادى, جاڭبىر جاۋادى. بۇعان سولتۇستىك-باتىس تسيكلوننىڭ قۋىسىمەن بايلانىستى اتموسفەرالىق فرونتالدى بولىمدەر ىقپال ەتەدى. ەلىمىزدىڭ قالعان اۋماعىندا جوعارى اتموسفەرالىق قىسىم اياسىندا جاۋىن-شاشىنسىز اۋا رايى بولجانادى», دەپ حابارلادى «قازگيدرومەت».