اقش وكىلدەر پالاتاسىنىڭ مۇشەلەرى د.تايتۋس, س.شابوت جانە ە.بەرا كونگرەسستىڭ حالىقارالىق ىستەر جونىندەگى كوميتەتىنىڭ قاراۋىنا سەمەي يادرولىق سىناق پوليگونى جابىلۋىنىڭ 30 جىلدىعىنا وراي №616 قاراردى ەنگىزىپ تىركەدى, دەپ جازادى Egemen.kz.
قۇجاتتا قازاقستاننىڭ جاپپاي قىرىپ-جويۋ قارۋىن تاراتپاۋ جونىندەگى جاھاندىق رەجيمدى نىعايتۋ جونىندەگى دايەكتى جۇمىسىنا, سونداي-اق وسى جىلى 30 جىلدىعى اتاپ وتىلەتىن اقش-پەن ءتۇرلى سالالارداعى, سونىڭ ىشىندە قاۋىپسىزدىك, ادام قۇقىقتارى جانە باسقا دا سالالارداعى ەكىجاقتى قاتىناستاردى ودان ءارى دامىتۋعا بەيىلدىلىگى اتاپ ءوتىلدى.
كونگرەسسمەندەردىڭ باستاماسى اقش زاڭ شىعارۋشى ورگانى مۇشەلەرىنىڭ قازاقستاننىڭ جاپپاي قىرىپ-جويۋ قارۋىن تاراتپاۋ رەجيمىن نىعايتۋعا جانە جاھاندىق قاۋىپسىزدىككە قوسقان ۇلەسىنە, ونىڭ ىشىندە تۇڭعىش پرەزيدەنت – ەلباسى نۇرسۇلتان نازارباەۆتىڭ وسى سالاداعى كۇش-جىگەرىنە جانە الەمگە يادرولىق قاتەردى ازايتۋ ىسىندەگى بىرلەسكەن جەتىستىكتەرىنە نازار اۋداراتىنىن كورسەتتى.