شانحاي ىنتىماقتاستىق ۇيىمىنا مۇشە مەملەكەتتەردىڭ اسكەري كونتينگەنتتەرى تەرروريزمگە قارسى بىرلەسكەن «بەيبىت ميسسيا – 2021» كوماندالىق-شتابتىق وقۋ-جاتتىعۋىنا قاتىسادى, دەپ جازادى Egemen.kz.
اتالعان وقۋ-جاتتىعۋ رەسەيدىڭ ورىنبور وبلىسىندا وتەدى. وعان قازاقستاننىڭ قارۋلى كۇشتەرىنەن «باتىس» وڭىرلىك قولباسشىلىعىنىڭ جەكە قۇرامى, اسكەري-اۋە كۇشتەرىنىڭ سۋ-25 ۇشاقتارى قاتىسادى.
وقۋ-جاتتىعۋ شەڭبەرىندە شىۇ-عا مۇشە ەلدەردىڭ اسكەري كونتينگەنتتەرى تەرروريزمگە قارسى بىرلەسكەن وپەراتسياعا دايىندالۋى جانە ونى وتكىزۋ ماسەلەلەرىن پىسىقتايتىن بولادى.
بۇل «بەيبىت ميسسيا» 2007 جىلعى 27 ماۋسىمداعى شانحاي ىنتىماقتاستىق ۇيىمىنا مۇشە مەملەكەتتەر اراسىنداعى بىرلەسكەن اسكەري وقۋ-جاتتىعۋلاردى وتكىزۋ تۋرالى كەلىسىم شەڭبەرىندە ەكى جىلدا ءبىر رەت وتكىزىلەدى.
شىۇ-عا مۇشە مەملەكەتتەر قاتارىندا قازاقستان, ءۇندىستان, قىتاي, قىرعىزستان, پاكىستان, رەسەي, تاجىكستان, وزبەكستان بار.