2021 جىلعى 7-10 قىركۇيەك ارالىعىندا باعالاۋ مونيتورينگىنىڭ 1-2 راۋندى اياسىندا قازاقستانعا گرەكو باعالاۋ توبى كەلدى, دەپ جازادى Egemen.kz.
ساراپشىلار سىبايلاس جەمقورلىققا قارسى ءىس-قيمىلدىڭ قۇقىقتىق نەگىزىن جانە قولدانىستاعى سىبايلاس جەمقورلىققا قارسى تەتىكتەردى باعالايدى. يممۋنيتەتتەردى الىپ تاستاۋ, سىبايلاس جەمقورلىق كىرىستەرىن تاركىلەۋ, مەملەكەتتىك ورگانداردىڭ اشىقتىعى, مەملەكەتتىك قىزمەتشىلەردىڭ ادەبى جانە سىبايلاس جەمقورلىق ءۇشىن زاڭدى تۇلعالاردىڭ جاۋاپكەرشىلىگى ماسەلەلەرىنە ەرەكشە نازار اۋدارىلادى.
ەستەرىڭىزگە سالا كەتسەك, گرەكو ەۋروپا كەڭەسىنىڭ سىبايلاس جەمقورلىققا قارسى ءىس-قيمىل جونىندەگى ورگانى. ول حالىقارالىق شارتتاردا بەكىتىلگەن ستاندارتتاردى ساقتاۋ جانە ءتيىمدى قولدانۋعا جاۋاپ بەرەدى.
بيىل ناۋرىز ايىنان باستاپ ساراپشىلار قازاقستاندىق زاڭنامانى زەردەلەدى. وسى ساپاردا شەتەلدىك باعالاۋشىلار مەملەكەتتىك ورگان وكىلدەرىمەن, ۇەۇ, باق جانە كاسىبي قاۋىمداستىق وكىلدەرىمەن كەزدەستى.
سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ ساپاردىڭ ءبىرىنشى كۇنى ارىپتەستەرىنە قازاقستاننىڭ سىبايلاس جەمقورلىققا قارسى جۇيەسى تۋرالى باياندادى. سونداي-اق, باس پروكۋراتۋرا قىزمەتكەرلەرىمەن بىرلەسىپ «سوتقا دەيىنگى تەرگەۋلەردىڭ بىرىڭعاي ءتىزىلىمى», «اكىمشىلىك وندىرىستەردىڭ بىرىڭعاي ءتىزىلىمى», «تەكسەرۋلەر سۋبەكتىلەرى مەن وبەكتىلەرىنىڭ بىرىڭعاي ءتىزىلىمى» جۇيەلەرى جانە «Qamqor» اقپاراتتىق سەرۆيسى تانىستىرىلدى.
ساراپشىلاردىڭ قازاقستاندىق زاڭناما مەن پراكتيكانىڭ ەرەكشەلىكتەرىن نەعۇرلىم تولىق ءتۇسىنۋىن قامتاماسىز ەتۋ ءۇشىن پارلامەنت, ۇلتتىق قاۋىپسىزدىك كوميتەتى, قارجى مونيتورينگى جانە مەملەكەتتىك قىزمەت ىستەرى جونىندەگى اگەنتتىكتەر, ەسەپ كوميتەتى, جوعارعى سوت, باس پروكۋراتۋرا, ادىلەت, قارجى, ىشكى ىستەر مينيسترلىكتەرى جانە اكىمدىكتەردىڭ قاتىسۋى ۇيىمداستىرىلدى.
كەزدەسۋلەر بارىسىندا الىنعان اقپاراتتى قورىتۋ ناتيجەلەرى بويىنشا سىبايلاس جەمقورلىققا قارسى ءىس-قيمىل شارالارىن جەتىلدىرۋ جونىندەگى ۇسىنىمدارمەن بىرگە باعالاۋ ەسەبى جاسالادى.
ۇسىنىمدار تىزبەسى كەلەسى جىلدىڭ ناۋرىز ايىندا گرەكو-نىڭ پلەنارلىق وتىرىسىندا بەكىتىلەتىن بولادى. ونى ورىنداۋ ءۇشىن قازاقستانعا 18 اي بەرىلەدى.
ۇسىنىمداردى ساپالى ورىنداۋ ەۋروپا كەڭەسىنىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياسىن جانە بىرقاتار باسقا دا ماڭىزدى حالىقارالىق شارتتاردى راتيفيكاتسيالاۋعا جول اشادى.
«ولارعا قوسىلۋ قىلمىسكەرلەردى ەكستراديتسيالاۋ جانە شەتەلگە شىعارىلعان اكتيۆتەردى قايتارۋ بولىگىندە شەتەلدىك ارىپتەستەرمەن نەعۇرلىم ءتيىمدى ىنتىماقتاسۋعا مۇمكىندىك بەرەدى», دەپ جازادى سىبايلاس جەمقورلىققا قارسى ءىس-قيمىل اگەنتتىگى.