اshyq ارقىلى 14 كۇندىك ءۇي كارانتينىن بۇزعانى انىقتالعان 280 الماتىلىق اكىمشىلىك جاۋاپقا تارتىلدى جانە ولارعا ايىپپۇل (30 اەك) سالىندى, دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتى, دەپ جازادى Egemen.kz.
«قىزىل» ستاتۋستاعى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەيدى.
سانيتاريالىق-ەپيدەميولوگيالىق باقىلاۋ دەپارتامەنتى امبۋلاتورلىق ەم الىپ جاتقان ازاماتتاردى ءوزىن-ءوزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى.
جۇقتىرعاندارمەن بايلانىستا بولعان ادامدار دا ءوزىن-ءوزى وقشاۋلاۋ رەجيمىن ساقتاۋى جانە باسقا ادامداردىڭ جۇقتىرۋىن بولدىرماۋ ءۇشىن ادامدار جاپپاي جينالاتىن ورىندارعا بارۋدان باس تارتۋى ءتيىس.