9 قىركۇيەكتەگى جاعداي بويىنشا رەسپۋبليكا بويىنشا 11.8 ملن گا ءداندى جانە ءداندى-بۇرشاقتى داقىلدار نەمەسە ولاردىڭ جالپى جيناۋ الاڭىنىڭ 74.3% جينالدى, دەپ جازادى Egemen.kz قر اۋىل شارۋاشىلىعى مينيسترلىگىنە سىلتەمە جاساپ.
«اعىمداعى ورتاشا ونىمدىلىك گەكتارىنا 8.7 تسەنتنەردى قۇراپ, 10.3 ملن توننا استىق باستىرىلدى. وسى جىلدىڭ شىلدە-قازان ايلارىنا جوسپارلانعان 396,5 مىڭ توننا جەڭىلدەتىلگەن ديزەل وتىنىنىڭ 221,1 مىڭ تونناسى نەمەسە 56% تيەپ-جونەلتىلدى», دەلىنگەن حابارلامادا.
ەنەرگەتيكا مينيسترلىگى مۇناي وڭدەيتىن زاۋىتتارمەن ء(موز) 156 تەڭگە/ليتر (189,0 مىڭ تەڭگە/توننا) باعاسىن بەلگىلەدى, وپەراتورلاردىڭ جەتكىزۋىن ەسكەرە وتىرىپ, وڭىرلەردە ورتاشا باعا 177 تەڭگەنى قۇرايدى, بۇل نارىقتىق باعادان 11%-عا ارزان (جقس-198 تەڭگە/ليتر).
جالپى ەگىن جيناۋ ناۋقانى شتاتتىق رەجيمدە وتۋدە. اۋا رايى قولايلى بولعان جاعدايدا ەگىن جيناۋ ناۋقانىن وڭتايلى مەرزىمدە اياقتاپ, استىق جيناۋ بويىنشا بولجامدار تولىق ورىندالادى دەپ كۇتىلۋدە.