قوردايداعى ۆاكتسينا شىعاراتىن زاۋىتتىڭ قۇرىلىسى اياقتالىپ, دايىن ءونىمدى قۇيۋعا تولىق دايىن, دەپ حابارلايدى Egemen.kz.
بۇل جايىندا جامبىل وبلىسىنىڭ اكىمى بەردىبەك ساپارباەۆ پرەزيدەنتكە بەرگەن ەسەبىندە ايتىپ ءوتتى.
ءوڭىر اكىمىنىڭ ايتۋىنشا, وبلىستاعى ۆاكتسينا الۋعا ءتيىستى تۇرعىنداردىڭ 72,5 پايىزى ەكپە سالدىرعان. سونىمەن قاتار پرەزيدەنتكە ۆاكتسينا شىعاراتىن زاۋىتتىڭ دايىن ءونىمدى قۇيۋعا تولىق ءازىر ەكەنى ايتىلدى.
جۇمىس كەستەگە ساي ءجۇرىپ جاتىر. زاۋىت پەن بيولوگيالىق قاۋىپسىزدىك پروبلەمالارى جونىندەگى عىلىمي زەرتتەۋ ينستيتۋتىنىڭ قىزمەتكەرلەرىنە ارنالعان ۇيلەر مەن اكت زالى بار دەنە شىنىقتىرۋ-ساۋىقتىرۋ كەشەنىنىڭ قۇرىلىسى جالعاسىپ جاتىر, – دەدى بەردىبەك ساپارباەۆ.
اڭگىمە سوڭىندا قاسىم-جومارت توقاەۆ وبلىس اكىمىنە وسى باعىتتاعى جۇمىستاردى جالعاستىرۋ جونىندە بىرقاتار ناقتى تاپسىرما بەردى.