اسقار مامين اقمولا وبلىسىنداعى استىق جيناۋ ناۋقانىن تەكسەردى

قازاقستاندا بيىل ەگىن جيناۋ ناۋقانى ۋاقىتىلى باستالدى, بۇگىنگى تاڭدا 11,8 ملن گا ءداندى جانە ءداندى-بۇرشاقتى داقىلدار نەمەسە 74,3% جينالدى, ورتاشا ونىمدىلىك 8,7 تس/گا قۇراعاندا 10,3 ملن توننا باستىرىلدى.

اقمولا وبلىسىنداعى جازدىق ەگىس الاڭى 5 ملن گەكتار, ونىڭ ىشىندە ءداندى جانە ءداندى-بۇرشاقتى داقىلدار – 4,5 ملن گا (108,4 مىڭ گا ءوسىم), مايلى داقىلدار – 266,5 مىڭ گا (+56,8 مىڭ گا), جۇگەرىنى قوسا ەسەپتەگەندە جەم-ءشوپ داقىلدارى – 191,4 مىڭ گا (+6,1 مىڭ گا), كارتوپ – 20,6 مىڭ گا, كوكونىستەر – 3,5 مىڭ گا. قازىرگى ۋاقىتتا اقمولا وبلىسى بويىنشا 3,5 ملن گا ءداندى جانە ءداندى-بۇرشاقتى داقىلدار نەمەسە ولاردىڭ جالپى جيناۋ الاڭىنىڭ 78%-ى باستىرىلدى. ورتاشا ونىمدىلىگى 8 تس/گا بولدى, 2,8 ملن توننادان استام استىق جينالدى. قىسقى كەزەڭگە دايىندىق اياسىندا 1,2 ملن توننا ءشوپ نەمەسە جوسپارلانعان كولەمنىڭ 95%-ى, 176 مىڭ توننا پىشەندەمە (جوسپاردىڭ 72%-ى), 43 مىڭ توننا سۇرلەم (23%), 152 مىڭ توننا (15%) سابان دايىندالدى. اۋا رايى قولايلى بولعان جاعدايدا ەگىن جيناۋ ناۋقانىن وڭتايلى مەرزىمدە – قىركۇيەكتىڭ سوڭىنا دەيىن اياقتاۋ كوزدەلگەن.

ۇكىمەت باسشىسى جاقسى اۋدانىنداعى كۇزگى دالا جۇمىستارمەن, جەرگىلىكتى اۋىل شارۋاشىلىعى كاسىپورىندارىنىڭ ماتەريالدىق-تەحنيكالىق بازاسىمەن, ءداندى جانە جەم-ءشوپ داقىلدارىن وڭدەۋ جانە تازارتۋ, سونداي-اق ەت جانە ءسۇت ونىمدەرى ءوندىرىسىن كەڭەيتۋ جوبالارىمەن تانىستى.

ا.مامين «اگروفيرما TNK» جشس وندىرىستىك الاڭدارىنىڭ بىرىنە باردى, ول 15 كاسىپورىننان تۇرادى جانە ەلەۆاتورلاردى, ديىرمەندەردى, قۇراما جەم جانە جارما زاۋىتتارىن, اگروحيميالىق زەرتحانا مەن ناۋبايحانانى قامتيدى. جۇمىسكەرلەرىنىڭ جالپى سانى 2 مىڭ ادامدى قۇرايدى, اۋىل شارۋاشىلىعى جەرلەرىنىڭ اۋماعى – 430 مىڭ گا, ەگىس القابى – 200 مىڭ گا, ەلەۆاتورلاردا ءبىر جولعى ساقتاۋ كولەمى – 500 مىڭ توننا. ۇن ءوندىرۋ قۋاتى – جىلىنا 350 مىڭ توننا, قۇراما جەم ءوندىرۋ قۋاتى – 80 مىڭ توننا, جارما ءوندىرۋ قۋاتى – 18 مىڭ توننا.

«اۋىل – ەل بەسىگى» جوباسىنىڭ ىسكە اسىرىلۋىن باقىلاۋ شەڭبەرىندە پرەمەر-مينيستر جاقسى اۋىلىنىڭ الەۋمەتتىك ينفراقۇرىلىم وبەكتىلەرىن – كوپپاتەرلى تۇرعىن ءۇيدى, سپورت مەكتەبىن جانە ساۋدا ورتالىعىن ارالاپ كوردى. بيىلعى جىلدىڭ قاڭتار-شىلدە ايلارىندا اقمولا وبلىسىنىڭ اۋىل شارۋاشىلىعىنىڭ جالپى ءونىم كولەمى 2020 جىلدىڭ سايكەس كەزەڭىمەن سالىستىرعاندا 11,9%-عا ءوسىپ, 154 ملرد تەڭگەنى قۇرادى. وڭدەلگەن ەت ءوندىرىسى 50,1%-عا (47,1 مىڭ توننا), شۇجىق ونىمدەرى ءوندىرىسى 31,6%-عا (1,6 مىڭ توننا), ءسۇت ونىمدەرى ءوندىرىسى 1,9%-عا (60,5 مىڭ توننا) ۇلعايدى. وسى جىلدىڭ قاڭتار-شىلدە ايلارىندا اگرارلىق سەكتوردا نەگىزگى كاپيتالعا سالىنعان ينۆەستيتسيالار 60,2 ملرد تەڭگەنى قۇرادى, بۇل وتكەن جىلدىڭ سايكەس كەزەڭىنەن 2 ەسە كوپ.

نۇر-سۇلتان قالاسىنىڭ اينالاسىندا ازىق-ت ۇلىك بەلدەۋىن دامىتۋ اياسىندا جالپى سوماسى 41,7 ملرد تەڭگەگە 50 ينۆەستيتسيالىق جوبانى ىسكە اسىرۋ – بورداقىلاۋ الاڭدارىن, ءسۇت-تاۋار فەرمالارىن, قۇس فابريكالارىن, استىق جانە كوكونىس قويمالارىن, اۋىل شارۋاشىلىعى ونىمدەرىن قايتا وڭدەۋ كەشەندەرىن سالۋ جوسپارلانعان.