يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ پرەزيدەنت جانىنداعى وكق-دا وتكەن بريفينگتە اقىلى جولدار تۋرالى مالىمەت بەردى, دەپ جازادى Egemen.kz.
«اقىلى اۆتوجولداردى كۇتىپ ۇستاۋ نورماتيۆتىك جۇيەسى ەنگىزىلىپ جاتىر. ول شىعىنداردى تولىق كولەمدە جابۋعا جانە رەسپۋبليكالىق بيۋدجەتكە جۇكتەمەنى ازايتۋعا مۇمكىندىك بەرەتىنىن باسا اتاپ وتكىم كەلەدى. 2025 جىلعا دەيىن اقىلىلىق جۇيەسىن رەسپۋبليكالىق جەلىدەگى اۆتوموبيل جولدارىنىڭ 11 مىڭ شاقىرىمىنا ەنگىزۋ كوزدەلگەن», دەدى قاماليەۆ.
جىلدىڭ سوڭىنا دەيىن 1,8 مىڭ شاقىرىم بولاتىن I كاتەگوريالى ۋچاسكەلەردە اقىلى تولەم جۇيەسىن كەزەڭ-كەزەڭمەن ەنگىزۋ جوسپارلانعان.