شىعىس قازاقستاندا جانار-جاعارماي تاسيتىن كولىك جول اپاتىنا ۇشىرادى, زارداپ شەككەندەر بار, دەپ حابارلايدى Egemen.kz.
شقو تجد ءباسپاسوز قىزمەتىنىڭ حابارلاۋىنشا, وقيعا «وسكەمەن-ريددەر» تاس جولىندا ساعات 18:00 شاماسىندا بولعان. جول-كولىك وقيعاسى سالدارىنان الدىن الا بولجام بويىنشا 17 توننا كولەمىندە جانار-جاعاماي توگىلگەن.
«وقيعا ورنىنا قۇتقارۋشىلار دەرەۋ جەتىپ, ءورتتى بولدىرماۋ ءۇشىن جانارماي توگىلگەن جەردى كوبىكپەن وقشاۋلادى. وقيعا ورنىندا 3 اۆتوتسيستەرنا جانە جەكە قۇرامنان 12 ادام جۇمىس ىستەۋدە», دەپ ءتۇسىندىردى شقو تجد.
ءباسپاسوز قىزمەتىنىڭ حابارلاۋىنشا, وقيعا سالدارىنان ەكى ادام زارداپ شەككەن. جەدەل-جاردەم دارىگەرلەرىمەن ولار اۋرۋحاناعا جەتكىزىلدى.