نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى الەۋمەتتىك ماڭىزى بار ازىق-ت ۇلىك, ونىڭ ىشىندە كوكونىس باعاسىنىڭ جاعدايى تۋرالى ايتتى, دەپ حابارلايدى Egemen.kz.
«الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىنا كەلەتىن بولساق, باسقارما, سونداي-اق باعانى تۇراقتاندىرۋمەن اينالىساتىن مامانداندىرىلعان ۇيىم (اكك) اپتا سايىن باعا مونيتورينگىن جۇرگىزەدى. بيىل قازاقستان بويىنشا ينفلياتسيا ءوسىمى شامامەن 10%-دى قۇرادى. ازىق-ت ۇلىك تاۋارلارىنا كەلەتىن بولساق, بۇل 10,7%. بۇل كورسەتكىش بويىنشا نۇر-سۇلتان قالاسى التىنشى نەمەسە جەتىنشى ورىندا», دەدى قالالىق ماسليحاتتاعى تۇراقتى كوميسسيالاردىڭ وتىرىسىندا نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ مىندەتىن اتقارۋشى ەرجان بالتاەۆ.
ول حالىقتىڭ ەڭ كوپ تۇتىنۋ كولەمى ءبىرىنشى قاجەتتىلىكتەگى ونىمگە تيەسىلى ەكەنىن ايتىپ, ەلوردادا قانداي كوكونىستەرگە باعانىڭ وسكەنىن اتاپ ءوتتى.
«سوڭعى اپتادا الەۋمەتتىك ماڭىزى بار ونىمدەرگە باعا يندەكسى شامامەن 99%-دى قۇرايدى. ءبىز قازىر الەۋمەتتىك ماڭىزى بار ونىمدەرگە, اسىرەسە كوكونىس توپتارىنا باعا تومەندەگەن كەزەڭنەن ءوتىپ جاتىرمىز. جىل باسىنان بەرى باعانىڭ ءوسۋى 10,7%-دى قۇرادى. كوكونىس توبىندا باعانىڭ ەڭ جوعارى ءوسۋى بايقالادى. پياز باعاسىنىڭ ءوسۋى شامامەن 65%-دى, ءسابىز - 65%-دى, قىرىققابات - 42%-دى, كارتوپ-30%-دى قۇرادى», دەدى ە.بالتاەۆ.
ال باعانىڭ تومەندەۋى كۇرىشكە - 9%, جۇمىرتقاعا - 4,6%, قاراقۇمىققا - 3,5% بايقالادى.
«نەگىزىنەن باعانىڭ ءوسۋى ماۋسىمدىقپەن بايلانىستى. نۇر-سۇلتان قالاسى اۋىل شارۋاشىلىعى ءوڭىرى ەمەس ەكەنىن ەسكەرە وتىرىپ, بىزدە ءوز ونىمدەرىمىزدى كوكونىس ونىمدەرى بويىنشا وسىرۋگە مۇمكىندىك جوق. باعانىڭ ءوسۋى ماۋسىم-شىلدەگە دەيىن جالعاسادى. ماۋسىم ايىنان باستاپ جاڭا ەگىننىڭ كەلۋىمەن باعالار بىرتىندەپ تومەندەيدى. ەڭ جوعارى تومەندەۋ تامىز ايىنان باستاپ بايقالادى», دەپ ءتۇسىندىردى سپيكەر.
سونىمەن قاتار باعانىڭ قىمباتتاۋىنا كوممۋنالدىق قىزمەتتەر مەن كولىك شىعىندارى دا بارىنشا اسەر ەتەتىنىن ايتتى.