شىمكەنت قالاسىنىڭ دەنساۋلىق ساقتاۋ باسقارماسىنىڭ باسشىسى ب.پوزيلوۆ پەن ءبىلىم باسقارماسىنىڭ باسشىسى ج.تاجيەۆانىڭ قاتىسۋىمەن اقپاراتتىق-كوممۋنيتسيالىق ورتالىقتا بالالارعا سالىناتىن ۆاكتسيناتسيا تۋرالى بريفينگ ءوتتى, دەپ جازادى Egemen.kz.
دەنساۋلىق ساقتاۋ باسقارماسى باسشىسىنىڭ ايتۋىنشا, ەلىمىزدە كوروناۆيرۋسقا قارسى سالىنىپ جاتقان ۆاكتسينانىڭ بارلىعى 18 جاستان اسقاندارعا ارنالعان.
«بالالارعا ۆاكتسينا سالىنادى ەكەن دەگەن قاۋەسەت حالىقتى ۇرەيلەندىرىپ جاتىر. ۆاكتسينانىڭ بالالارعا سالىناتىنىن راستايتىن ەشقانداي رەسمي قۇجات جوق. سوندىقتان مۇنداي اڭىز اقپاراتتى تاراتۋدى دوعارۋ كەرەك. ونىڭ بارلىعى حالىقتى الاڭداتۋ ماقساتىندا جاسالىپ جاتىر دەپ ويلايمىن. ال اعىمداعى جىلدىڭ 15 قىركۇيەگىنەن باستاپ ەلىمىزدە تۇماۋعا قارسى ەكپە سالدىرۋ جۇمىستارى باستالادى. بۇل ۆاكتسينا تۇرعىلىقتى مەكەنجايى بويىنشا كەلىسىم بەرگەن جاعدايدا قاۋىپ-قاتەر توبىنداعى ازاماتتارعا تەگىن سالىنادى. بارلىق قالا تۇرعىندارىن «وقۋشىلارعا كوۆيدكە قارسى ۆاكتسينا سالىنادى» دەگەن قاڭقۋ سوزدەرگە سەنبەۋگە شاقىرامىن», دەدى ب.پوزيلوۆ.
قالانىڭ باس دارىگەرى شىمكەنتتە ەپيدەميالوگيالىق جاعدايدىڭ تۇراقتالعاندىعىن اتاپ ءوتتى. بۇگىندە 1134 ازامات ستاتسيوناردا ەم قابىلداپ جاتىر. توسەك-ورىن تولىمدىلىعى 45% قۇرايدى, 1366 توسەك ورنى بوس.
ال قالا بويىنشا بۇگىندە ۆاكتسينانىڭ I كومپونەنتى 443 287 ادامعا, ءىى كومپونەنتى 375 000 ادامعا سالىندى.
ءوز كەزىندە ءبىلىم باسقارماسىنىڭ باسشىسى ج.تاجيەۆا كەز كەلگەن ۆاكتسينا اتا-انانىڭ رۇقساتىنسىز سالىنبايتىنىن جانە تارالىپ جاتقان اقپاراتتاردىڭ جالعان ەكەنىن ايتتى.
«بۇگىنگى تاڭدا قالاداعى 203 مەكتەپتە 233 مىڭنان اسا وقۋشى وقيدى. بارلىق ءبىلىم بەرۋ مەكەمەلەرىندە سانيتارلىق تالاپ قاتاڭ ساقتالعان», دەپ جازادى شىمكەنت قالاسى اكىمدىگىنىڭ ءباسپاسوز قىزمەتى.