قر قورعانىس مينيسترلىگى جامبىل وبلىسىنداعى اسكەري بازادا بولعان جارىلىستان قازا تاپقاندار سانى 16-عا جەتكەنىن مالىمدەدى, دەپ جازادى Egemen.kz.
«2021 جىلعى 7 قىركۇيەكتە تاراز قالالىق اۋرۋحاناسىندا 26 تامىزدا جامبىل وبلىسىنداعى وق-دارىلەر قويماسىندا بولعان ءورتتى ءسوندىرۋ كەزىندە العان جاراقاتتارىنىڭ سالدارىنان 28349 اسكەري ءبولىمىنىڭ اسكەري قىزمەتشىسى 1983 جىلى تۋعان كاپيتان ەرلان رىسقۇلبەك ۇلى قىرعىزاليەۆ قايتىس بولدى.
ول وق-دارىلەردى ساقتاۋ ءبولىمىنىڭ باستىعى لاۋازىمىن اتقارعان بولاتىن. قويماداعى ءورتتى جويۋعا كىرىسكەن العاشقىلاردىڭ ءبىرى بولدى.
قورعانىس مينيسترلىگى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى», دەپ جازىلعان رەسمي حابارلامادا.