قازاقستان ەلشىسى جالعاس ادىلباەۆ موڭعوليا پرەزيدەنتىنىڭ سىرتقى ساياسات جونىندەگى كەڭەسشىسى ەردەنەتسوگت ودبايارمەن كەزدەستى, دەپ جازادى Egemen.kz.
كەزدەسۋ بارىسىندا وتاندىق ديپلومات موڭعول تاراپىنا پرەزيدەنت قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جىل سايىنعى جولداۋىن جاريالاعىنىن حابارلادى. سونداي-اق ەلشى مەملەكەت باسشىسى پاندەميادان كەيىنگى كەزەڭدە ەلدى ودان ءارى دامىتۋعا, دەنساۋلىق ساقتاۋ جۇيەسىنىڭ تيىمدىلىگىن ارتتىرۋعا, ساپالى ءبىلىم بەرۋگە, وڭىرلىك ساياساتتى جەتىلدىرۋگە, ەڭبەك نارىعىندا ءتيىمدى ەكوجۇيەنى قۇرۋعا, ساياسي جاڭعىرتۋعا, ادام قۇقىقتارىن قورعاۋعا جانە قوعامدى شوعىرلاندىرۋعا باعىتتالعان بىرقاتار باستامالاردى كوتەرگەنىن اتاپ ءوتتى.
سونىمەن قاتار تاراپتار حالىقارالىق تاقىرىپتاردىڭ كەڭ اۋقىمدى ماسەلەلەرىن تالقىلادى. قازاقستان مەن موڭعوليانىڭ بۇۇ, اوسشك جانە اەحا سياقتى حالىقارالىق ۇيىمدار شەڭبەرىندەگى ءوزارا ارەكەتتەسۋ تاقىرىبى باستى نازاردا بولدى.
بۇدان باسقا, موڭعول تاراپى عىلىمي دەرەكتەرمەن الماسۋ جانە بىرلەسكەن جوبالاردى ازىرلەۋ ارقىلى مەديتسينالىق ديپلوماتيا سالاسىنداعى ەكىجاقتى ىنتىماقتاستىقتى كەڭەيتۋ مەن نىعايتۋدى ۇسىندى.
كەزدەسۋدىڭ قورىتىندىسىندا تاراپتار سىندارلى بايلانىستاردى ودان ءارى ساقتاۋعا جانە دامىتۋعا نيەتتى ەككەنىن راستادى.