ەلىمىزدە «تسيفرلى ۇستاز» جوباسى ىسكە اسىرىلادى. بۇل تۋرالى ۇكىمەت وتىرىسىندا قر ۇلتتىق ەكونوميكا ءمينيسترى اسەت ەرعاليەۆ ءمالىم ەتتى, دەپ حابارلايدى Egemen.kz.
ءمينيستردىڭ ايتۋىنشا, پرەزيدەنت جولداۋىن ىسكە اسىرۋ جالپىۇلتتىق جوسپارىنىڭ ءۇشىنشى باعىتىندا 12 ءىس-شارانى ىسكە اسىرۋ كوزدەلگەن.
«تيپتىك وقۋ جوسپارلارىن الىپ تاستاۋ بويىنشا ء«بىلىم بەرۋ تۋرالى» زاڭعا وزگەرىستەر ەنگىزىلەدى. مۇعالىمدەردى 3 جىلدا ءبىر رەت قايتا دايارلىقتان وتكىزۋدى ۇيىمداستىرۋ جوسپارلانۋدا. قاشىقتان ءبىلىم بەرۋگە قاجەتتى اقپاراتتىق جۇيەنىڭ ساپاسىن جاقسارتۋ, سونىمەن بىرگە «تسيفرلى ۇستاز» جوباسى ىسكە اسىرىلادى», دەدى اسەت ەرعاليەۆ.
«مەكتەپتەردەگى ورىن تاپشىلىعى پروبلەمالارىن شەشۋ ءۇشىن 2025 جىلعا دەيىن كەمىندە 1000 مەكتەپ سالۋ جوسپارلانۋدا. «جاس تالاپ» جوباسى اياسىندا سۇرانىسقا يە ماماندىقتار بويىنشا تەگىن تەحنيكالىق جانە كاسىپتىك بىلىممەن تولىق قامتاماسىز ەتۋ كوزدەلىپ وتىر», دەدى ول.