ۇكىمەت وتىرىسىندا ۇلتتىق ەكونوميكا ءمينيسترى اسەت ەرعاليەۆ ءبىلىم سالاسىندا قانداي وزگەرىستەر بولاتىنىن ايتتى, دەپ جازادى Egemen.kz.
«تيپتىك وقۋ جوسپارلارىن الىپ تاستاۋ بويىنشا ء«بىلىم بەرۋ تۋرالى» زاڭعا وزگەرىستەر ەنگىزىلەدى. مۇعالىمدەردى 3 جىلدا ءبىر رەت قايتا دايارلىقتان وتكىزۋدى ۇيىمداستىرۋ جوسپارلانىپ وتىر. سونىمەن قاتار قاشىقتان ءبىلىم بەرۋگە قاجەتتى اقپاراتتىق جۇيەنىڭ ساپاسىن جاقسارتۋ, سونىمەن بىرگە «تسيفرلى ۇستاز» جوباسى ىسكە اسىرىلادى», دەپ ءتۇسىندىردى اسەت ەرعاليەۆ.
ودان بولەك, دارىندى بالالارعا جانە ولاردىڭ ۇستازدارىنا جان-جاقتى قولداۋ كورسەتىلەدى. حالىقارالىق ءپان وليمپيادالارىنىڭ جۇلدەگەرلەرىنە گرانتتار بەرۋ, سونىمەن بىرگە ءبىر رەتتىك اقشالاي سىياقى دا تولەۋ كوزدەلىپ وتىر.
«مەكتەپتەردەگى ورىن تاپشىلىعى پروبلەمالارىن شەشۋ ءۇشىن 2025 جىلعا دەيىن كەمىندە 1 000 مەكتەپ سالۋ جوسپارلانۋدا. «جاس تالاپ» جوباسى اياسىندا سۇرانىسقا يە ماماندىقتار بويىنشا تەگىن تەحنيكالىق جانە كاسىپتىك بىلىممەن تولىق قامتاماسىز ەتۋ كوزدەلىپ وتىر», دەپ باياندادى ۇلتتىق ەكونوميكا ءمينيسترى.
ەسكە سالا كەتەيىك, پرەزيدەنت 1 قىركۇيەكتەگى حالىققا جولداۋىندا 2025 جىلعا دەيىن 1 000 مەكتەپ سالۋدى تاپسىرعان بولاتىن.